ଭୁବନେଶ୍ବର: ସିଏଏ ବିରୋଧରେ ସାରାଦେଶରେ ବ୍ୟାପକ ହିଂସା ଦେଖାଯିବା ପରେ ଏ ସମ୍ପର୍କରେ ଜନସାଧାରଣଙ୍କୁ ସଚେତନ ପାଇଁ ବାହାରିଛି ବିଜେପି । ଏଥିପାଇଁ ରବିବାର ଠାରୁ ବିଜେପି ଆରମ୍ଭ କରିଛି ଜନଜାଗରଣ ଅଭିଯାନ ।
‘CAA କୁ ନେଇ ବିଜେପି ଆଗରୁ ସଚେତନତା କରିବାର ଥିଲା’
ଏପଟେ ବିଜେପିର ଜନଜାଗରଣ ଅଭିଯାନକୁ ନେଇ ପ୍ରତିକ୍ରିୟା ରଖିଛି ବିଜେଡି । ପୁରୀ ସାଂସଦ ପିନାକୀ ମିଶ୍ର କହିଛନ୍ତି କି, "ଆଗରୁ ବିଜେପି ସାରା ଦେଶରେ ସଚେତନତା ସୃଷ୍ଟି କରିବାର ଆବଶ୍ୟକତା ଥିଲା । ଆଜି ଯେଉଁ ଜନଜାଗରଣ କରୁଛି ତାହା ଆଗରୁ ହେବାର ଥିଲା । କେନ୍ଦ୍ର ଇସ୍ପାତ ରାଷ୍ଟ୍ରମନ୍ତ୍ରୀ କେନ୍ଦ୍ରାପଡା ଯାଇ ସେଠାରେ ଲୋକଙ୍କୁ ସଚେତନ କରିଛନ୍ତି । ନାଗରିକତା ଆଇନ କଣ ବୁଝାଇଛନ୍ତି । ଯଦି ଏହା ଆଗରୁ ହୋଇଥାନ୍ତା ତେବେ ସାରଦେଶରେ ଯେଉଁଭଳି ଭାବରେ ହିଂସା ଦେଖା ଦେଇଛି ତାହା ହୁଏତ ଏତେଟା ହୋଇନଥାନ୍ତା ବୋଲି କହିଛନ୍ତି ପିନାକୀ ।