କେନ୍ଦୁଝର: ବହୁଜନ କ୍ରାନ୍ତି ମୋର୍ଚ୍ଚା ପକ୍ଷରୁ ସିଏଏକୁ ବିରୋଧ କରି ବୁଧବାର କେନ୍ଦୁଝର ସହର ସ୍ଥିତ ଗାନ୍ଧୀ ଛକଠାରେ ରାସ୍ତା ଅବରୋଧ କରାଯାଇଥିଲା । ଆନ୍ଦୋଳନକାରୀଙ୍କ ସଂଖ୍ୟା ବଢିବା ପରେ ସିଏଏକୁ ବିରୋଧ କରିବାକୁ ଯାଇ ସେମାନେ ଦେଶ ବିରୋଧୀ ନାରା ଦେଇଥିଲେ । ଯାହାକୁ ନିକଟରେ ଉପସ୍ଥିତ ଥିବା ସ୍ଥାନୀୟ ଲୋକ ବିରୋଧ କରିବାରୁ ଆନ୍ଦୋଳନକାରୀମାନେ ସହରବାସୀଙ୍କୁ ଆକ୍ରମଣ କରିବାକୁ ଚେଷ୍ଟା କରିଥିଲେ ।
ଭାରତ ବନ୍ଦରେ ଦେଶ ବିରୋଧି ନାରାକୁ ଜିଲ୍ଲା ଓକିଲ ସଂଘର ବିରୋଧ
ଖବର ପାଇ ସହରବାସୀ ଏକାଠି ହୋଇ ଭାରତ ବନ୍ଦ ଡାକରାକୁ ବିରୋଧ କରିବା ସହ ଭାରତ ମାତା କି ଜୟ ନାରା ଦେଇଥିଲେ । ଫଳରେ ଚପା ଉତ୍ତେଜନା ସୃଷ୍ଟି ହୋଇଥିଲା ।
ସହରବାସୀମାନେ ଦେଶ ବିରୋଧୀ ସ୍ଲୋଗାନ ଦେଇଥିବା ଦୁଇ ଜଣଙ୍କୁ ପୋଲିସକୁ ଜିମା ଦେଇଥିଲେ । ଉତ୍ତେଜନାକୁ ଦେଖି ପୋଲିସ ମଧ୍ୟ ୩୦ରୁ ଊର୍ଦ୍ଧ୍ବ ଆନ୍ଦୋଳନକାରୀଙ୍କୁ ଅଟକ ରଖିଛି ।