କେନ୍ଦୁଝର : ସରକାର ଗରିବ ହିତାଧିକାରୀଙ୍କ ପାଇଁ ଆବାସ ଯୋଜନା କରିଛନ୍ତି । ଆଉ ଏଥିପାଇଁ କୋଟି କୋଟି ଟଙ୍କା ମଧ୍ୟ ଖର୍ଚ୍ଚ କରୁଛନ୍ତି । ହେଲେ, ଏଥିରୁ ପ୍ରକୃତ ହିତାଧିକାରୀ ବାଦ ପଡୁଥିବା ବେଳେ ଥିଲାବାଲା ଲୋକେ ଘର ହାତେଇଥିବା ଅଭିଯୋଗ ହୋଇଛି। ଏପରି ଅଭିଯୋଗ ଆସିଛି କେନ୍ଦୁଝର ଜିଲ୍ଲା ଘସିପୁରା ବ୍ଲକ ମଛାଳ ଗାଁରୁ । ଗାଁର ଅଧିକାଂଶ ପରିବାର ଦିନମଜୁରିଆ ଓ ଦିବ୍ୟାଙ୍ଗ । କାହାର ନୂଆଁଣିଆ କୁଡିଆ ମଝିରେ ନଡିଆ ଗଡ ରହିଛି ତ କାହାର ଝାଟିମାଟି କାନ୍ଥ ଭାଙ୍ଗି ବତା ଦେଖାଯାଉଛି । ସେହିପରି ଅନେକଙ୍କ ଚାଳ ଛପର ଉଡିଯାଉଥିବା ବେଳେ ଅସ୍ଥାୟୀ ଭାବେ ସାହାରା ଦେଉଛି ଜରିପାଲ । ବର୍ଷାଦିନେ ପଲିଥିନକୁ ଆଶ୍ରା କରି ବଞ୍ଚୁଥିବା ମଛାଳ ଗ୍ରାମବାସୀଙ୍କ ଯନ୍ତ୍ରଣା ଆହୁରି ବଢିଯାଏ ।
ବାଟବଣା ଆବାସ ଯୋଜନା