କୋରୋନା ଯୋଦ୍ଧାଙ୍କ ପରିବାରକୁ ଆକ୍ରମଣ, ୩ ଆହତ

କେନ୍ଦୁଝର ଜିଲ୍ଲା ବାରିଆ ଥାନା ଅନ୍ତର୍ଗତ ଫୁଲକଅଁଲେଇ ଗାଁରେ ଜଣେ ସ୍ବାସ୍ଥ୍ୟକର୍ମୀଙ୍କ ପରିବାରକୁ ଆକ୍ରମଣ ହୋଇଛି । ଯେଉଁଥିରେ 3 ଜଣ ଆହତ ହୋଇଥିବା ସୂଚନା ମିଳିଛି ।

କେନ୍ଦୁଝର: କୋରୋନା ଯୋଦ୍ଧାଙ୍କ ପରିବାରକୁ ଆକ୍ରମଣ । କେନ୍ଦୁଝର ଜିଲ୍ଲା ବାରିଆ ଥାନା ଅନ୍ତର୍ଗତ ଫୁଲକଅଁଲେଇ ଗାଁରେ ଜଣେ ସ୍ବାସ୍ଥ୍ୟକର୍ମୀଙ୍କ ପରିବାରକୁ ଆକ୍ରମଣ ହୋଇଛି । ଯେଉଁଥିରେ 3 ଜଣ ଆହତ ହୋଇଥିବା ସୂଚନା ମିଳିଛି ।

ସୂଚନା ଅନୁଯାୟୀ, ଗଣେଶ ଚନ୍ଦ୍ର କାରୁଆ ତୁରୁମୁଙ୍ଗା ଡାକ୍ତରଖାନାରେ କାମ କରିଥାନ୍ତି। ସେ ପ୍ରତ୍ୟେକ ଦିନ ଗାଁରୁ ଯିବା ଆସିବା କରିଥାନ୍ତି। କିନ୍ତୁ କୋରୋନାକୁ ନେଇ ସରକାର ଲକଡାଉନ ଘୋଷଣା ପରେ ଗଣେଶଙ୍କ ଗାଁକୁ ଆସିବାକୁ ବିରୋଧ କରୁଥିଲେ ଗ୍ରାମବାସୀ । ଏପରିକି ନଳକୂପରୁ ପାଣି ଆଣିବାକୁ ଦେଉ ନଥିଲେ।

ଗତ ଗୁରୁବାର ହଠାତ୍ ଗାଁର କିଛି ଲୋକ ତାଙ୍କ ପରିବାର ଉପରେ ଆକ୍ରମଣ କରିଥିଲେ । ଯେଉଁଥିରେ ଗଣେଶଙ୍କ ୨ ଝିଅଙ୍କ ମୁଣ୍ଡ ଫାଟିଯାଇଥିବା ବେଳେ ବାହାରକୁ ଶୌଚ ପାଇଁ ଯାଇଥିବା ଗଣେଶଙ୍କ ପୁଅ ଉପରକୁ ପଥର ଫିଙ୍ଗିବା ଦ୍ବାରା ସେ ଗୁରୁତର ଆହତ ହୋଇଥିଲେ । ଏନେଇ ବାରିଆ ଥାନାରେ ଏକ ଅଭିଯୋଗ ହେବାପରେ ପୋଲିସ ତଦନ୍ତ ଆରମ୍ଭ କରିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ