କେନ୍ଦୁଝର: ଅଙ୍ଗନବାଡ଼ି କର୍ମୀଙ୍କ ଅନୁପସ୍ଥିତି ନେଇ ଅଙ୍ଗନବାଡିରେ ତାଲା ପକାଇଲେ ମହିଳା । ସରକାର ବିଭିନ୍ନ ଯୋଜନା କରି ମାତୃ ଶିଶୁଙ୍କୁ ପୁଷ୍ଟିକର ଖାଦ୍ୟ ଦେଇ ହୃଷ୍ଟପୃଷ୍ଟ କରାଇବା ପାଇଁ ଦାୟିତ୍ବ ନେଇଥାଏ ଅଙ୍ଗନବାଡି । ମାତ୍ର କର୍ମୀ କିନ୍ତୁ ତାଙ୍କର କାର୍ଯ୍ୟ ଠିକ ଭାବରେ ତୁଲାଉନଥିବା ପୂର୍ବରୁ ମଧ୍ୟ ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଥିଲା । ପ୍ରଶାସନ କିନ୍ତୁ ଏହାକୁ କର୍ଣ୍ଣପାତ କରିନଥିଲା ।
ଦଶଦିନ ହେବ କର୍ମୀ ଅଙ୍ଗନବାଡିକୁ ନ ଆସିବାରୁ ଗ୍ରାମବାସୀ, ଅଭିଭାବକ ଓ ସ୍ବୟଂସହାୟକ ଗୋଷ୍ଠୀର ସଦସ୍ୟମାନେ ଆଉ ଏଭଳି ଅବହେଳାକୁ ବରଦାସ୍ତ କରିନଥିଲେ । ଫଳରେ ଶନିବାର ଏକତ୍ରିତ ହୋଇ ଅଙ୍ଗନବାଡିରେ ପହଞ୍ଚି ତାଲା ପକାଇ ଦେଇଥିଲେ ।
ଆସୁନାହାଁନ୍ତି ଦିଦି; ଅଙ୍ଗନବାଡିରେ ତାଲା ପକାଇଲେ ମହିଳା
ସୂଚନା ଅନୁଯାୟୀ ସଦର ବ୍ଲକଡିମ୍ବ ଗ୍ରାମରେ ଥିବା ୨ନମ୍ବର ଅଙ୍ଗନବାଡି କେନ୍ଦ୍ରରେ ଆଜକୁ ଦଶଦିନ ହେବ କର୍ମୀ ଆସୁନାହାଁନ୍ତି । ସବୁଦିନେ ଛୋଟ ଶିଶୁ, ଗର୍ଭବତୀ ମହିଳା ଓ ଅଭିଭାବକ ଫେରି ଯାଉଥିଲେ । କିନ୍ତୁ ଗ୍ରାମବାସୀ ଆଉ ସହ୍ୟ କରିପାରିନଥିଲେ ।