ଶୌଚ ପାଇଁ ଗଲାବେଳେ ନାବାଳିକାକୁ ଗଣଦୁଷ୍କର୍ମ ଅଭିଯୋଗ

କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ଜଳନଣ୍ଡା ଗାଁରେ ନାବାଳିକାକୁ ଗଣଦୁଷ୍କର୍ମ ଅଭିଯୋଗରେ ୪ ଜଣଙ୍କୁ ଗିରଫ କରିଛି ପୋଲିସ ।

ଆନନ୍ଦପୁର: ପୁଣି ଜଣେ ନାବାଳିକାକୁ ଗଣଦୁଷ୍କର୍ମ ଅଭିଯୋଗ । କେନ୍ଦୁଝର ଜିଲ୍ଲା ଘସିପୁରା ଥାନା ଅନ୍ତର୍ଗତ ଜଳନଣ୍ଡା ଗାଁରେ ନାବାଳିକାକୁ ଗଣଦୁଷ୍କର୍ମ ଅଭିଯୋଗରେ ୪ ଜଣଙ୍କୁ ଗିରଫ କରିଛି ପୋଲିସ ।

ସୂଚନା ଅନୁଯାୟୀ, ଜଳନଣ୍ଡା ଗାଁର ଜନୈକ ନାବାଳିକା ଗ୍ରାମ୍ୟ ଜଙ୍ଗଲକୁ ଶୌଚ ହେବା ପାଇଁ ଯାଇଥିବା ବେଳେ ଉକ୍ତ ଗ୍ରାମର ଚଗୁଲୁ ନାଇକ, ବଳିଆ ନାଇକ, କୁନା ନାଇକ ଓ ନେତ ନାଇକ ସେଠାରେ ଉପସ୍ଥିତ ଥିଲେ ।

ନାବାଳିକାକୁ ଏକୁଟିଆ ପାଇଁ ଏହି ୪ ଜଣ ଏହି କାଣ୍ଡ ଭିଆଇଥିଲେ। ଏନେଇ ନାବାଳିକା ଜଣକ ନିଜ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକଙ୍କ ସହଯୋଗରେ ଘସିପୁରା ଥାନାରେ ଅଭିଯୋଗ କରିଥିଲା । ଯାହାକୁ ଭିତ୍ତି କରି ଘସିପୁରା ପୋଲିସ ଜଳନଣ୍ଡା ଗ୍ରାମର ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ