ଦୁଷ୍କର୍ମ ମାମଲାରେ 10 ବର୍ଷ ସଶ୍ରମ କାରାଦଣ୍ଡ

କେନ୍ଦୁଝର ଜିଲ୍ଲା ପଣ୍ଡାପଡା ଥାନା ଅଞ୍ଚଳରେ ୨୦୧୪ ମସିହାରେ ଜଣେ ନାବାଳିକାକୁ ଦୋଷୀ ତା ଘରକୁ ବୁଲାଇ ନେବା ବାହାନାରେ ଅନ୍ୟତ୍ର ନେଇ ଯୋର ଜବରଦସ୍ତ ଦୁଷ୍କର୍ମ କରିଥିବା ଘଟଣା ଘଟିଥିଲା । ଅଧିକ ପଢନ୍ତୁ...

କେନ୍ଦୁଝର: କେନ୍ଦୁଝର ଜିଲ୍ଲା ପଣ୍ଡାପଡା ଥାନା ଅଞ୍ଚଳରେ ୨୦୧୪ ମସିହାରେ ଜଣେ ନାବାଳିକାକୁ ଅଭିଯୁକ୍ତ ତା ଘରକୁ ବୁଲାଇ ନେବା ବାହାନାରେ ଅନ୍ୟତ୍ର ନେଇ ଯୋର ଜବରଦସ୍ତ ଦୁଷ୍କର୍ମ କରିଥିବା ଘଟଣା ଘଟିଥିଲା ।

ଉକ୍ତ ଘଟଣାର ଶୁଣାଣି କରି କେନ୍ଦୁଝର ଜିଲ୍ଲା ସ୍ବତନ୍ତ୍ର ପକ୍ସୋ କୋର୍ଟ ୯ ଜଣ ସାକ୍ଷୀଙ୍କର ଜବାନବନ୍ଦୀ ଶୁଣିବା ପରେ ଦୋଷୀ ଅନୀଲ ମହାକୁଡକୁ ୩୭୬ (୨) (N) ତଥା ୬ ପକ୍ସୋ ଆଇନ ଅନୁଯାୟୀ ୧୦ ବର୍ଷ ସଶ୍ରମ କାରାଦଣ୍ଡାଦେଶ ଶୁଣାଇଛନ୍ତି ।

ଏହା ସହ ୫ ହଜାର ଟଙ୍କା ତଥା ୩୬୩ ଆଇନ ଅନୁଯାଇ ୩ ବର୍ଷ ଜେଲଦଣ୍ଡ ସହ ଦୁଇ ହଜାର ଟଙ୍କା ଜରିମାନା କରିଛନ୍ତି । ସମୁଦାୟ ୧୦ ବର୍ଷ ଜେଲଦଣ୍ଡ ଓ ୭ ହଜାର ଟଙ୍କା ଜରିମାନା ସଜା ଶୁଣାଇଛନ୍ତି କୋର୍ଟ ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ