ମାଲବାହୀ ଟ୍ରେନ ଧକ୍କାରେ ମହିଳା ମୃତ

ମାଲବାହୀ ଟ୍ରେନ ଧକ୍କାରେ ଜଣେ ମହିଳା ମୃତ । ଶଶ୍ବୁର ଘରୁ ବାପା ଘରକୁ ଯାଉଥିବା ସମୟରେ ମହିଳା ଜଣକ ରେଳ ଲାଇନ ପାର ହେଉଥିଲେ । ଏହି ସମୟରେ ଦୁର୍ଘଟଣା ଘଟି ମହିଳାଙ୍କ ମୃତ୍ୟୁ ଘଟିଛି ।

କେନ୍ଦୁଝର: ହରିଚନ୍ଦନପୁର ଥାନା ବଡସିଆଳିମାଳ ଗାଁରେ ଅଘଟଣ । ମାଲବାହୀ ଟ୍ରେନ ଧକ୍କାରେ ଜଣେ ମହିଳା ମୃତ । ମୃତକ ମହିଳା ଜଣକ ହେଲେ ହରିଚନ୍ଦନପୁର ବ୍ଲକ ମସିଣାଯୋଡି ଗାଁର ଘନଶ୍ୟାମ ମୁଣ୍ଡାଙ୍କ ପତ୍ନୀ ମାନ୍ଦୁଇ ମୁଣ୍ଡା ବୋଲି ଜଣାପଡିଛି ।

ମାନ୍ଦୁଇ ନିଜ ଭଉଣୀଙ୍କ ସହ ବାପା ଘରକୁ ଯିବାବେଳେ ରେଳ ଧାରଣା ପାର ହେଉଥିଲେ । ଏହି ସମୟରେ ତାଙ୍କୁ ଏକ ଟ୍ରେନ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ସେପଟେ, ଘଟଣା ବିଷୟରେ ଖବର ପାଇ ପୋଲିସ ମୃତଦେହକୁ ଜବତ କରିବା ସହ ଏକ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ଆନନ୍ଦପୁର ପଠାଇଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ