ବିଦ୍ୟୁତ ତାର ସଂସ୍ପର୍ଶରେ ଆସି ଅଢେଇ ବର୍ଷର ଶିଶୁର ମୃତ୍ୟୁ

ବିଦ୍ୟୁତ ତାର ସଂସ୍ପର୍ଶରେ ଆସି ଅଢେଇ ବର୍ଷର ଶିଶୁର ମୃତ୍ୟୁ। ଗାଁରେ ଶୋକାକୂଳ ପରିବେଶ ।ଅଧିକ ପଢନ୍ତୁ...

କେନ୍ଦୁଝର: ବିଦ୍ୟୁତ ତାର ସଂସ୍ପର୍ଶରେ ଆସି ଅଢେଇ ବର୍ଷର ଶିଶୁର ମୃତ୍ୟୁ । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ଟାଉନ ଥାନା ଅନ୍ତର୍ଗତ ପୁରୁଣା ସହରରେ । ସୂଚନା ଅନୁସାରେ,ମାଗୁ ସାହିର ଅର୍ଚ୍ଚନା ଗିରି ଘର ବାହାରେ ଖେଳୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲା । ଫଳରେ ଘଟଣାସ୍ଥଳରେ ସେ ଅଚେତ ହୋଇପଡିଥିଲେ ।

ପରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିବା ବେଳେ ତାର ମୃତ୍ୟୁ ହୋଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମଙ୍ଗଳବାର ,ବର୍ଷା ପବନ ଯୋଗୁଁ ବିଦ୍ୟୁତ ତାର ଛିଡି ଯାଇ ଅର୍ଚ୍ଚନାଙ୍କ ବାଡ଼ରେ ଲାଗିଯାଇଥିଲା ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ