ଦୀପାବଳୀରେ ଅଘଟଣ: ହାତରେ ବାଣ ଫୁଟି ଯୁବକ ଗୁରୁତର

ବାଣ ଫୁଟାଇବା ବେଳେ ହାତରେ ବାଣ ଫୁଟି ଯୁବକ ଗୁରୁତର । କେନ୍ଦୁଝର ଜିଲ୍ଲାର ଘଷିପୁରା ଥାନା ଅଧିନସ୍ଥ ପଞ୍ଚୁପୁଲୀ ଗ୍ରାମରେ ଘଟିଛି ଏଭଳି ଦୁର୍ଘଟଣା।

ଆନନ୍ଦପୁର: ଆଲୋକର ପର୍ବ ଦୀପାବଳୀରେ ଘଟିଛି ଅଘଟଣ। ବାଣ ଫୁଟାଇବା ବେଳେ ଜଣେ ଯୁବକ ଆହତ ହୋଇଥିବାର ଖବର ମିଳିଛି। ସେ ହେଉଛନ୍ତି କେନ୍ଦୁଝରର ଘଷିପୁରା ଥାନା ଅଧିନସ୍ଥ ପଞ୍ଚୁପୁଲୀ ଗ୍ରାମର ବୁଲୁ ଖଟୁଆ ।

ଆହତ ବୁଲୁ ନିଜ ସାଙ୍ଗଙ୍କ ସହିତ ବାଣ ଫୁଟାଉଥିଲେ। ଏହି ସମୟରେ ଭୁଲବଶତଃ ଏକ ବାଣ ତାଙ୍କ ହାତରେ ଫୁଟି ଯାଇଥିଲା। ଫଳରେ ତାଙ୍କ ହାତରେ ଗଭୀର ଆଘାତ ହୋଇଥିଲା। ତେବେ ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛନ୍ତି।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ