କେନ୍ଦୁଝର: ନବଜାତ ଶିଶୁର ମୃତ୍ୟୁପରେ ଆତ୍ମହତ୍ୟା ଉଦ୍ୟମ କଲେ ଦମ୍ପତ୍ତି। ଚିକିତ୍ସାଧିନ ଅବସ୍ଥାରେ ପତିଙ୍କ ମୃତ୍ୟୁ ହୋଇଥିବା ବେଳେ ପତ୍ନୀଙ୍କ ଅବସ୍ଥା ଏବେବି ଗୁରୁତର ରହିଛି। କେନ୍ଦୁଝର ଟାଉନ ଥାନା ଅନ୍ତର୍ଗତ ଗୁମୁରା ଗ୍ରାମରେ ଆଜି ଘଟିଛି ଏଭଳି ଏକ ଅଭାବନୀୟ ଘଟଣା । ଗୁମୁରା ଗାଁର ମଦନ ମୋହନ ପିଙ୍ଗୁଆଙ୍କ ଗତ ୬ ତାରିଖରେ ଏକ ଶିଶୁ କନ୍ୟା ଜନ୍ମ ହୋଇଥିଲା । ଗତ ୧୭ ତାରିଖରେ ନବଜାତ ଶିଶୁଟିର ଦେହ ଖରାପ ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।
ନବଜାତ ଶିଶୁର ମୃତ୍ୟୁରେ ମର୍ମାହତ ହୋଇ ବିଷ ପିଇଲେ ବାପାମାଆ
ତେବେ ଚିକିତ୍ସାଧିନ ଅବସ୍ଥାରେ ଶିଶୁ କନ୍ୟାଟି ପ୍ରାଣ ହରାଇଥିଲା । ଏହାକୁ ନେଇ ମଦନ ମୋହନ ପିଙ୍ଗୁଆ ଓ ତାଙ୍କ ପତ୍ନୀ ଟିକି ମର୍ମାହତ ହୋଇ ଗତକାଲି (ଗୁରୁବାର) ଅପରାହ୍ଣରେ ଉଭୟ ଘର କବାଟ ବନ୍ଦ କରି ବିଷ ପିଇ ଦେଇଥିଲେ । ଘର ଲୋକେ କବାଟ ଭାଙ୍ଗି ଉଭୟଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।