ପୋଖରୀରେ ବୁଡି ନାବାଳକ ମୃତ

ରବିବାର ଆନନ୍ଦପୁର ଘସିପୁରା ବ୍ଳକ ଅର୍ଗଦ୍ଦା ଗ୍ରାମରେ ପୋଖରୀରେ ବୁଡି ଜଣେ ନାବାଳକର ମୃତ୍ୟୁ ଘଟିଥିବା ଜଣାପଡିଛି । ମୃତକ ହେଲେ ଅର୍ଗଦ୍ଦା ଗ୍ରାମର ଆଶିଷ ଜେନା ।

ଆନନ୍ଦପୁର: ପୋଖରୀରେ ବୁଡ଼ି ନାବାଳକ ମୃତ । ରବିବାର ଆନନ୍ଦପୁର ଘସିପୁରା ବ୍ଳକ ଅର୍ଗଦ୍ଦା ଗ୍ରାମରେ ପୋଖରୀରେ ବୁଡି ଜଣେ ନାବାଳକର ମୃତ୍ୟୁ ଘଟିଥିବା ଜଣାପଡିଛି । ମୃତକ ହେଲେ ଅର୍ଗଦ୍ଦା ଗ୍ରାମର ଆଶିଷ ଜେନା ।

ସୂଚନା ଅନୁଯାୟୀ, ରବିବାର ସକାଳୁ ଆଶିଷ ପୋଖରୀକୁ ଗାଧୋଇବାକୁ ଯାଇଥିବା ବେଳେ ତାଙ୍କ ଗୋଡ ଖସିଯିବାରୁ ସେ ପାଣିରେ ବୁଡି ଯାଇଥିଲେ । ସ୍ଥାନୀୟ ଯୁବକ ଓ ଅଗ୍ନିଶମ କର୍ମଚାରୀମାନେ ବହୁ ଖୋଜାଖୋଜି କରି ଆଶିଷଙ୍କୁ ଉଦ୍ଧାର କରିଥିଲେ ।

ଏହାପରେ ତାଙ୍କୁ ଆନନ୍ଦପୁର ମେଡିକାଲକୁ ପଠାଯାଇଥିଲା । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୋଲିସ ମୃତଦେହ ବ୍ୟବଛେଦ କରିବା ସହ ତଦନ୍ତ ଜାରି ରଖିଛି ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ