ଜେଇଇ ମେନ୍, ନିଟ୍ ପାଇଁ ସରକାରୀ ବ୍ଯବସ୍ଥାରେ ଗଲେ ୬୮ ଛାତ୍ରଛାତ୍ରୀ

ଜେଇଇ ମେନ୍ ଓ ନିଟ୍ ପରୀକ୍ଷା ପାଇଁ କେନ୍ଦୁଝର ଜିଲ୍ଲାରୁ ସରକାରୀ ବ୍ଯବସ୍ଥାରେ ଗଲେ ୬୮ ଛାତ୍ରଛାତ୍ରୀ । ପଢନ୍ତୁ ସମ୍ପୂର୍ଣ୍ଣ ଖବର...

ଆନନ୍ଦପୁର: ରାଜ୍ଯ ସରକାରଙ୍କ ଘୋଷଣା ଅନୁଯାୟୀ ଚଳିତ ବର୍ଷର ଜେଇଇ ମେନ୍ ଓ ନିଟ୍ ପରୀକ୍ଷା ପାଇଁ ସରକାରୀ ବ୍ଯବସ୍ଥାରେ ଗୁରୁବାର କେନ୍ଦୁଝର ଜିଲ୍ଲାରୁ ୬୯ଜଣ ଛାତ୍ରଛାତ୍ରୀ ଭୁବନେଶ୍ବର ଯାଇଛନ୍ତି । କେନ୍ଦୁଝର ଜିଲ୍ଲା ନୋଡାଲ ସେଣ୍ଟର ଆନନ୍ଦପୁର ସରକାରୀ ଆଇ.ଟି.ଆଇରୁ ଓ.ଏସ୍ .ଆର.ଟି.ସିର ୩ଟି ବସ୍ ଯୋଗେ ଏହି ପିଲାମାନଙ୍କୁ ଆଜି ଭୁବନେଶ୍ବର ପରୀକ୍ଷା କେନ୍ଦ୍ରକୁ ପଠାଯାଇଛି ।

ଆନନ୍ଦପୁର ବିଧାୟକ ଭାଗିରଥି ସେଠୀ ଉପସ୍ଥିତ ରହି ପରୀକ୍ଷାର୍ଥୀଙ୍କୁ ଶୁଭ କାମନା ଜଣାଇଥିଲେ । ଏହି ଅବସରରେ ମୋ ପରିବାରର ସଦସ୍ଯମାନେ ସମସ୍ତ ପରୀକ୍ଷାର୍ଥୀଙ୍କ ପାଇଁ ସାନିଟାଇଜେସନ୍ କିଟ୍ ବ୍ଯବସ୍ଥା କରିବା ସହ ସମଗ୍ର ପ୍ରକ୍ରିୟାରେ ସହଯୋଗ କରିଥିଲେ । କୋରୋନା ମହାମାରୀ ଯୋଗୁଁ ଚଳିତ ଜେଇଇ ମେନ୍ ଓ ନିଟ୍ ପରୀକ୍ଷାର୍ଥୀଙ୍କ ଯିବା ଆସିବା ଓ ରହିବାର ସମସ୍ତ ଦାୟିତ୍ବ ରାଜ୍ଯ ସରକାର ବହନ କରିଛନ୍ତି ।

ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ