ମିଳନୀ ସାହିତ୍ୟ ସଂସଦର 60ତମ ବାର୍ଷିକ ଉତ୍ସବ, ସାହିତ୍ୟ ରଚନା କରିବା ମଧ୍ୟ ଏକ ବିପ୍ଳବ କହିଲେ ଦାଶ ବେନୁହୁର

କେନ୍ଦୁଝର ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ମିଳନୀ ସାହିତ୍ୟ ସଂସଦର 60ତମ ବାର୍ଷିକ ଉତ୍ସବ ସ୍ଥାନୀୟ ସଂସ୍କୃତି ଭବନ ଠାରେ ଅନୁଷ୍ଠିତ ହୋଇଯାଇଛି । ଅଧିକ ପଢନ୍ତୁ

କେନ୍ଦୁଝର :କେନ୍ଦୁଝର ଜିଲ୍ଲା ଏକ ବିପ୍ଳବର ମାଟି। ଏହି ବିପ୍ଳବ ସାହିତ୍ୟ ରଚନାରୁ ହୋଇଥିଲା । ବିପ୍ଳବ ଦ୍ବାରା ହିଁ ଚେତନା ହୋଇଥାଏ । ତେବେ ଚେତନା ଉଦୟ ହେଲେ ହିଁ ନୂଆ ଯୁଗର ଆରମ୍ଭ ହୋଇଥାଏ ବୋଲି କହିଛନ୍ତି ବିଶିଷ୍ଟ ଲେଖକ ଦାଶ ବେନୁହୁର । ଅନ୍ୟପଟେ ଆଜି କେନ୍ଦୁଝର ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ମିଳନୀ ସାହିତ୍ୟ ସଂସଦର 60ତମ ବାର୍ଷିକ ଉତ୍ସବ ସ୍ଥାନୀୟ ସଂସ୍କୃତି ଭବନରେ ଅନୁଷ୍ଠିତ ହୋଇଯାଇଛି ।

ଏହି ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ ବିଶିଷ୍ଟ ଲେଖକ ଦାଶ ବେନୁହୁର ଦ୍ଵିଭାଷୀ କବି ପ୍ରଦୀପ ବିଶ୍ୱାଳ ଯୋଗ ଦେଇ ସାହିତ୍ୟ ଦ୍ୱାରା କିପରି ଯୁଗର ପରିବର୍ତ୍ତନ ହୋଇଛି ସେନେଇ ଆଲୋକପାତ କରିଥିଲେ । ପ୍ରକୃତି ହିଁ ପ୍ରଥମ ସାହିତ୍ୟକ । ସେଠୁ ବହୁତ କିଛି ଶିଖିବାର ଆବଶ୍ୟକତା ରହିଛି ବୋଲି ମୁଖ୍ୟ ଅତିଥିମାନେ ପ୍ରକାଶ କରିଥିଲେ । ଏହି ବାର୍ଷିକ ଉତ୍ସବ ଅବସରରେ ବହୁ ବର୍ଷିଆନ ଲେଖକ ଓ କବିଙ୍କୁ ସାହିତ୍ୟ ସଂସଦ ପକ୍ଷରୁ ତାଙ୍କର ଜୀବନବ୍ୟାପି ସାଧନା ପାଇଁ ସମ୍ମାନିତ କରାଯାଇଥିଲା । ସାହିତ୍ୟ ସଂସଦର ସଭାପତି ଦେବାଶିଷ ଚକ୍ରବର୍ତ୍ତୀ ଓ ସମ୍ପାଦକ ଚିତ୍ତ ମିଶ୍ରଙ୍କ ତତ୍ୱାବଧାନରେ ଉତ୍ସବରେ ସାହିତ୍ୟ ସଭା ଓ କବି ସମ୍ମିଳନୀ ହୋଇଥିବା ବେଳେ ଶତାଧିକ ଜିଲ୍ଲାର କୋଣ ଅନୁକୋଣରୁ କବି ଲେଖକ ଯୋଗ ଦେଇ ଦେଇଥିଲେ ।

ଏନେଇ ଦାଶ ବେନୁହୁର କହିଛନ୍ତି, "ସାହିତ୍ୟକୁ ନେଇ ଏହି ଅନୁଷ୍ଠାନ ଗଢା ହୋଇଛି । ଯେଉଁ ଅନୁଷ୍ଠାନକୁ 60ବର୍ଷ ହୋଇଗଲା । ଏନେଇ ଏହାର ବାର୍ଷିକ ଉତ୍ସବର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ତେବେ କେନ୍ଦୁଝର ଜିଲ୍ଲା ଓଡିଶାରେ ବିପ୍ଳବ ଭୂମି ଭାବରେ ଅଧିକାର କରିଛି । ତେବେ ସାହିତ୍ୟ ରଚନା ମଧ୍ୟ ଏକ ପ୍ରକାର ବିପ୍ଳବ । ତାହାରି ମାଧ୍ୟମରେ ହିଁ ଚେତନାରେ ପରିବର୍ତ୍ତନ ଆସେ ।"

ସେହିପରି ଅନ୍ୟପଟେ ଦ୍ଵିଭାଷୀ କବି ପ୍ରଦୀପ ବିଶ୍ୱାଳ କହିଛନ୍ତି, "ସଂସଦର ଆଜି 60ତମ ବାର୍ଷିକ ଉତ୍ସବରେ ଯୋଗ ଦେଇଥିଲି । କେନ୍ଦୁଝର ମାଟିରେ ବହୁ ଓଡିଆ ସାହିତିକ ଜନ୍ମ ନେଇଛନ୍ତି । ତେଣୁ ଏହି ମିଳନୀ ସାହିତ୍ୟ ସଂସଦରେ ଯୋଗ ଦେବା ଏକ ସୌଭାଗ୍ୟର ବିଷୟ । ଓଡ଼ିଆ ସାହିତ୍ୟ ପାଇଁ ଭବିଷ୍ୟତରେ ତରୁଣ ସାହିତିକ ମାନଙ୍କୁ ଅନୁପ୍ରାଣିତ କରିବ ।"

ଇଟିଭି ଭାରତ, କେନ୍ଦୁଝର