ଟ୍ୟୁସନ ଯାଉଥିବାବେଳେ ନାବାଳକକୁ ଚାପିଦେଲା ଟ୍ରକ

ଟ୍ୟୁସନ ଯାଉଥିବାବେଳେ ଟ୍ରକ ଧକ୍କାରେ ଚାଲିଗଲା 6 ବର୍ଷ ନାବାଳକର ଜୀବନ । ଅଧିକ ପଢନ୍ତୁ...

ଆନନ୍ଦପୁର: କେନ୍ଦୁଝର ରାମଚନ୍ଦ୍ରପୁର ଥାନା ୨୦ ନମ୍ବର ଜାତୀୟ ରାଜପଥ ନୂଆଗାଁ ଛକରେ ଟ୍ରକ୍ ଧକ୍କାରେ ଜଣେ ୬ ବର୍ଷୀୟ ନାବାଳକର ମୃତ୍ୟୁ ଘଟିଛି । ଏନେଇ ସ୍ଥାନୀୟ ଲୋକେ ମୃତ ନାବାଳକର ମୃତଦେହ ରଖି ରାସ୍ତା ଅବରୋଧ କରିଥିବା ଦେଖିବାକୁ ମିଳିଛି ।

ଏପରିକି କ୍ଷତିପୂରଣ ଦାବିରେ ଉତ୍ତ୍ୟକ୍ତ ଲୋକେ ଟାୟାର ଜାଳି ରାସ୍ତାରୋକ କରିଛନ୍ତି । ସୂଚନା ଅନୁଯାୟୀ, ପ୍ରଭାତ ରଞ୍ଜନ ଶାଙ୍କରଙ୍କ ୬ ବର୍ଷର ପୁଅ ଗୁଡୁଲ୍ ରାସ୍ତା ପାର ହୋଇ ଟିଉସନ ଯାଉଥିଲା । ଏହି ସମୟରେ ତା ଉପରେ ଏକ ଟ୍ରକ‌ ମାଡ଼ି ଯାଇଥିବାରୁ ଘଟଣାସ୍ଥଳରେ ହିଁ ଗୁଡୁଲର ମୃତ୍ୟୁ ଘଟିଛି । ଫଳରେ ଉତ୍ତ୍ୟକ୍ତ ଲୋକେ ରାସ୍ତାରୋକ କରିଛନ୍ତି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ