ଆନନ୍ଦପୁର: କେନ୍ଦୁଝର ଜିଲ୍ଲାରେ ଦିନକୁ ଦିନ ବଢୁଛି କୋରୋନା ମାମଲା । ବଢ଼ୁଥିବା ସଂକ୍ରମଣକୁ ଆଖି ଆଗରେ ରଖି ସମ୍ପୂର୍ଣ୍ଣ ଆନନ୍ଦପୁର ପୌରପରିଷଦ ସମେତ ପାଞ୍ଚୋଟି ଗାଁକୁ ଶୁକ୍ରବାର ଠାରୁ ୭ ଦିନ ପାଇଁ ସଟଡାଉନ ଘୋଷଣା କରିଛି ଜିଲ୍ଲା ପ୍ରଶାସନ । ଆନନ୍ଦପୁର ପୌରପରିଷଦରେ ମୋଟ ୨୧୬ ଟି ପଜିଟିଭ କେସ ବାହାରିଥିବା ବେଳେ ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି ।
ଆନନ୍ଦପୁର ପୌରପରିଷଦ ସମେତ ପାଞ୍ଚୋଟି ଗାଁ ସଟଡାଉନ
ପ୍ରଥମେ ପୌରପରିଷଦକୁ ସଟଡାଉନ ଏବଂ ପରେ ପରେ ନିୟମରେ କିଛିଟା କୋହଳ କରି କଣ୍ଟେନମେଣ୍ଟ ଜୋନ ଘୋଷଣା କରିଥିବା ବେଳେ ପୁନର୍ବାର ଆଜିଠାରୁ ଅଗଷ୍ଟ ୨୭ ତାରିଖ ଯାଏଁ ସମ୍ପୂର୍ଣ୍ଣ ସଟଡାଉନ ଘୋଷଣା କରାଯାଇଛି । ଏହି ସମୟରେ ମେଡିସିନ ଦୋକାନକୁ ବାଦ ଦେଇ ଅନ୍ୟ ସମସ୍ତ ଦୋକାନ ବନ୍ଦ ରହିଥିବା ବେଳେ ସ୍ଥାନୀୟ ପ୍ରଶାସନ ଦ୍ୱାରା ଅତ୍ୟାବଶ୍ୟକ ସାମଗ୍ରୀ ଘରକୁ ଘର ବୁଲି ଯୋଗାଇବାର ବ୍ୟବସ୍ଥା କରାଯାଇଛି ।