କେନ୍ଦୁଝର: ଚମ୍ପୁଆ ପୋଲିସ ହାତରେ ଚୋର ଗ୍ୟାଙ୍ଗ। ଗିରଫ ହୋଇଥିବା 4 ଅଭିଯୁକ୍ତଙ୍କ ନିକଟରୁ ବିଭିନ୍ନ ବ୍ରାଣ୍ଡର ୯୦ଟି ଚୋରା ମୋବାଇଲ ଫୋନ୍ ଓ ଗୋଟିଏ ଲାପଟପ୍ ଜବତ୍ କରାଯାଇଛି । ଜବତ୍ ମୋବାଇଲ୍ ଫୋନ ଗୁଡ଼ିକ ମଧ୍ୟରେ ସାମସଙ୍ଗ୍, ଓପୋ ଓ ଭିଭୋ ଭଳି ନାମୀ ଦାମୀ ବ୍ରାଣ୍ଡର ସ୍ମାର୍ଟ ଫୋନ ରହିଛି ।
ପୋଲିସ ହାତରେ ଲୁଟେରା ଗ୍ୟାଙ୍ଗ,୯୦ଟି ମୋବାଇଲ ଫୋନ୍ ଜବତ
ସୂଚନା ଥାଉକି, ଗତ ୨୮/୨୯ ତାରିଖ ରାତିରେ ପର୍ଶଳାସ୍ଥିତ ଆର. କେ. ମୋବାଇଲ୍ ଦୋକାନର ଆଜବେଷ୍ଟ ଛାତ ଭାଙ୍ଗି ୩୦ଟି ଦାମୀ ମୋବାଇଲ୍ ଚୋରି ହୋଇଥିବା ଚମ୍ପୁଆ ଥାନାରେ ଅଭିଯୋଗ ହୋଇଥିଲା । ଏହି ଅଭିଯୋଗକୁ ଭିତ୍ତି କରି ତଦନ୍ତ କରିବା ପରେ ଚମ୍ପୁଆ ପୋଲିସ ଏହି ମୋବାଇଲ ଫୋନ ଚୋରି ଗ୍ୟାଙ୍ଗ ସଂପର୍କରେ ସୁରାକ ପାଇବା ସହ ଧରିବାରେ ସକ୍ଷମ ହୋଇଛି । ଏହି ଗ୍ୟାଙ୍ଗ ପର୍ଶଳା ବ୍ୟତୀତ ହରିଚନ୍ଦନପୁର ଓ ବାମେବାରୀ ଅଞ୍ଚଳର ବିଭିନ୍ନ ଦୋକାନରୁ ମୋବାଇଲ ଫୋନ ଚୋରି କରିଥିବା ତଦନ୍ତରୁ ଜଣାପଡିଛି ।