ଋଣଭାର ସମ୍ଭାଳିନପାରି ଆତ୍ମହତ୍ୟା

ସୋସୋ ଥାନା ସଙ୍ଗମ ଗ୍ରାମରେ ଋଣଭାର ସମ୍ଭାଳିନପାରି ତିନୋଟି ଝିଅର ବାପା ଚଗୁଲୁ ମହାରଣାର ଆତ୍ମହତ୍ୟା । ସୋସୋ ପୋଲିସ ଝୁଲନ୍ତା ଅବସ୍ଥାରେ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସହ ଘଟଣାର ତଦନ୍ତ ଆରମ୍ଭ କରିଛି ।

ଆନନ୍ଦପୁର: ସୋସୋ ଥାନା ସଙ୍ଗମ ଗ୍ରାମରେ ଜଣେ ବ୍ୟକ୍ତିଙ୍କ ଆତ୍ମହତ୍ୟା। ଋଣଭାର ସାଙ୍ଗକୁ ତିନି ଝିଅଙ୍କ ଭରଣପୋଷଣ ଦୁଃଖରେ କିଛି ବାଟ ନପାଇ ଆତ୍ମହତ୍ୟା କରିଛନ୍ତି ଚଗୁଲୁ ମହାରଣା।

ଗ୍ରାମରେ ଯେଉଁ ଗ୍ରୁପ ଲୋନ ଦିଆଯାଉଛି ସେମାନଙ୍କ ଠାରୁ ୪ଟି ଲୋନ୍ କରିଥିଲେ ଚଗୁଲୁ । ଅନେକ ଅଭାବ ଅନଟନ ମଧ୍ୟରେ ରହୁଥିବା ବେଳେ ତିନି ଝିଅଙ୍କ ଭରଣପୋଷଣ ଚିନ୍ତା ବଢି ଯାଉଥିଲା । ଶେଷରେ କିଛି ଉପାୟ ନପାଇ ଆତ୍ମହତ୍ୟାର ରାସ୍ତା ବାଛି ନେଇଥିଲେ ଚଗୁଲୁ।

ସକାଳୁ ଘରୁ ବାହାରି ଯାଇ ଚଗୁଲୁ ଗୋଟିଏ ଗଛରେ ଦଉଡି ଲଗାଇ ଆତ୍ମହତ୍ଯା କରିଛନ୍ତି । ଖବର ପାଇ ସୋସୋ ପୋଲିସ ଘଟଣାସ୍ଥଳରେ ପହଞ୍ଚି ଝୁଲନ୍ତା ଅବସ୍ଥାରେ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସହ ଘଟଣାର ତଦନ୍ତ ଆରମ୍ଭ କରିଛି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ