ପିକଅପ ଭ୍ୟାନ ଓଲଟି 2 ମୃତ, 15 ଆହତ

କେନ୍ଦୁଝର ଜିଲ୍ଲା ବଲାଣି ଠାରେ ଅନ୍ତିମ ସଂସ୍କାର ସାରି ଫେରିବା ବେଳେ ପିକଅପ ଭ୍ୟାନ ଓଲଟିବାରୁ 2 ଜଣଙ୍କ ମୃତ୍ୟୁ ହେବା ସହ 15 ଜଣ ଆହତ ହୋଇଛନ୍ତି ।

କେନ୍ଦୁଝର: ବଲାଣି ଥାନା ଅନ୍ତର୍ଗତ ସେଲ କମ୍ପାନୀ ନିକଟରେ ପିକଅପ ଭ୍ୟାନ ଓଲଟି ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ପନ୍ଦର ଜଣ ଗୁରୁତର ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ସଙ୍ଗେସଙ୍ଗେ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଗୁରୁତରଙ୍କ ମଧ୍ୟରୁ ଦଶ ଜଣଙ୍କୁ ବଲାଣି ମେଡିକାଲରେ ଭର୍ତ୍ତି କରାଯାଇଥିଲା ବେଳେ ଅନ୍ୟ ପାଞ୍ଚ ଜଣଙ୍କ ଅବସ୍ଥା ଅଧିକ ସଙ୍କଟାପନ୍ନ ହେବାରୁ କିରିବୁରୁ ସେଲ ମେଡିକାଲ ଓ ରାଉରକେଲା ମେଡିକାଲରେ ଭର୍ତ୍ତି କରାଯାଇଛି । ସୂଚନା ଯୋଗ୍ୟ ଯେ ଏହି ବ୍ୟକ୍ତି ମାନେ ଜଣେ ସମ୍ପର୍କୀୟଙ୍କ ଅନ୍ତିମ ସଂସ୍କାର ସାରି ଫେରୁଥିବା ବେଳେ ବଲାଣି ଶିବ ମନ୍ଦିର ନିକଟରେ ଥିବା ବୁଲାଣି ରାସ୍ତାରେ ପିକଅପ ଭ୍ୟାନଟି ଓଲଟି ପଡ଼ିଥିଲା ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ