କେନ୍ଦୁଝର: ଝୁମ୍ପୁରା ଥାନା ଅଧିନସ୍ଥ କାଶିପାଳ ଗାଁରେ ଚାଞ୍ଚଲ୍ୟ । ଜଙ୍ଗଲରୁ 2ଟି ପୋତାଯାଇଥିବା ମୃତଦେହ ଠାବ । ମୃତକ ଦ୍ବୟ ପାଟବିଲା ଗାଁର ବୁଦ୍ଧଦେବ ମହାକୁଡ ଓ ତାଙ୍କ ସ୍ତ୍ରୀ ମାଳତୀ ମହାକୁଡ ବୋଲି ଜଣାପଡିଛି । ଉଭୟେ ଗତ ସପ୍ତାହରେ ସାପ୍ତାହିକ ମାର୍କେଟକୁ ଯାଇ ଆଉ ଫେରିନଥିଲେ ।
ସୂଚନା ଅନୁସାରେ, ଜଙ୍ଗଲରେ ଜଣେ ଛେଳି ଚରାଉଥିବା ବେଳେ ଦୁଇଟି ମୃତଦେହ ପୋତା ହୋଇଥିବା ଦେଖିବାକୁ ପାଇଥିଲେ । ସଙ୍ଗେ ସଙ୍ଗେ ସେ ଗାଁ ଲୋକଙ୍କୁ ଖବର ଦେଇଥିଲେ । ତେବେ ବୁଦ୍ଧଦେବ ଓ ତାଙ୍କ ସ୍ତ୍ରୀ ଗତ ସପ୍ତାହରେ ସାପ୍ତାହିକ ହାଟକୁ ଚଣା ବିକିବାକୁ ଯାଇ ଆଉ ଫେରିନଥିଲେ । ପୂର୍ବ ଶତ୍ରୃତାକୁ କେନ୍ଦ୍ର କରି ଉଭୟଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ତେବେ ଖବର ପାଇ ପୋଲିସ ପହଞ୍ଚି ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
