ଆନନ୍ଦପୁର: ସ୍ବାମୀ ସମ୍ମୁଖରେ ସ୍ତ୍ରୀକୁ ଦିଅର ଦୁଷ୍କର୍ମ କରିବା ଘଟଣା । ଅଭିଯୁକ୍ତ ସ୍ବାମୀ ଓ ଦିଅରକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଜାମିନ ନାମଞ୍ଜୁର ହେବାରୁ ଉଭୟଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ଅନ୍ୟପଟେ ପୀଡିତାଙ୍କ ବୟାନ ରେକର୍ଡ କରାଯାଇଛି ।
ସ୍ବାମୀ ନାଁରେ କଳଙ୍କ । ପଶୁଠୁ ବି ହୀନ ପାଲଟି ଯାଇଥିଲା ମଣିଷର ଆଚରଣ । ଦୁଷ୍କର୍ମ କରୁଥିଲା ଦିଅର । ଭିଡିଓ ଉତ୍ତୋଳନ କରୁଥିଲା ସ୍ବାମୀ । ଯାହାକୁ ଜନ୍ମଜନ୍ମାନ୍ତର ପାଇଁ ସୁରକ୍ଷା ଦେବା କଥା, ତାର ଇଜ୍ଜତ ବିକ୍ରୀ କରୁଥିଲା । ଏପଟେ ମାତୃତୁଲ୍ୟ ଭାଉଜଙ୍କୁ ଦୁଷ୍କର୍ମ କରୁଥିଲା ଅଭିଯୁକ୍ତ ଦିଅର । କେନ୍ଦୁଝର ଘଷିପୁରାରେ ଘଟିଥିବା ଏ ଅଭାବନୀୟ ଘଟଣା ସମଗ୍ର ଅଞ୍ଚଳରେ ଏବେ ଚହଳ ପକାଇ ଦେଇଛି ।