ବଜ୍ରପାତରେ ୧୨ ଗୋରୁ ମୃତ

କେନ୍ଦୁଝର ସଦର ବ୍ଲକ ଅନ୍ତର୍ଗତ ଗୁହାଳଚଟୁଆ ଗ୍ରାମରେ ବଜ୍ରାଘାତରେ 12 ଗାଇଙ୍କ ମୃତ୍ୟୁ ଘଟିଛି । ଗୋରୁ ମୃତ୍ୟୁକୁ ନେଇ ତଦନ୍ତ କରି ତୁରନ୍ତ କ୍ଷତି ପୁରଣ ଦେବାକୁ ଗ୍ରାମବାସୀ ଦାବି କରିଛନ୍ତି ।

କେନ୍ଦୁଝର: କେନ୍ଦୁଝର ସଦର ବ୍ଲକ ଅନ୍ତର୍ଗତ ଗୁହାଳଚଟୁଆ ଗ୍ରାମରେ ଘଟିଛି ଅଘଟଣ । ଉକ୍ତ ଗ୍ରାମର ୧୨ ଟି ଗୋରୁ ବଜ୍ରାଘାତରେ ପ୍ରାଣ ହରାଇଛନ୍ତି । ଆଜି ଅପରାହ୍ନରୁ କେନ୍ଦୁଝର ସହରରେ ଘଡଘଡି ସାଙ୍ଗକୁ ବର୍ଷା ଲାଗି ରହିଛି । ଉକ୍ତ ଗ୍ରାମର ଗୋରୁ ଗୁଡିକ ଚରିବାକୁ ଯାଇଥିବା ବେଳେ ବର୍ଷା ଯୋଗୁଁ ଏକ ବଡ଼ ଗଛ ତଳେ ଆଶ୍ରୟ ନେଇଥିଲେ । ଫଳରେ ବଜ୍ରାଘାତରେ 12 ଗୋରୁର ମୃତ୍ୟୁ ଘଟିଛି । ଗୋରୁ ମୃତ୍ୟୁକୁ ନେଇ ତଦନ୍ତ କରି ତୁରନ୍ତ କ୍ଷତି ପୁରଣ ଦେବାକୁ ଗ୍ରାମବାସୀ ଦାବି କରିଛନ୍ତି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ