ଟ୍ରକ ଧକ୍କାରେ ଚାଲିଗଲା ନାବାଳକର ଜୀବନ

କେନ୍ଦୁଝର ହୁଣ୍ଡୁଳାଠାରେ ଟ୍ରକ ଦୁର୍ଘଟଣାରେ ଦଶ ବର୍ଷୀୟ ନାବାଳକର ମୃତ୍ୟୁ । ଘଟଣାସ୍ଥଳରେ ତୀବ୍ର ଉତ୍ତେଜନା । ଅଧିକ ପଢନ୍ତୁ...

କେନ୍ଦୁଝର: ଟ୍ରକ ଧକ୍କାରେ ଦଶ ବର୍ଷୀୟ ନାବାଳକର ମୃତ୍ୟୁ । କେନ୍ଦୁଝରରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ମୃତକ ହୁଣ୍ଡୁଳା ଗ୍ରାମର ନାବାଳକ ଅଜୟ ନାଏକ । ହୁଣ୍ଡୁଳାସ୍ଥିତ ରାଇସ ମିଲରୁ ଗେଟ୍ ଦେଇ ଟ୍ରକଟି ବାହାରକୁ ବାହାରିବା ସମୟରେ ବିପରୀତ ଦିଗରୁ ଅଜୟ ଏକ ସାଇକେଲରେ ଆସୁଥିଲା । ଏହି ସମୟରେ ଟ୍ରକଟି ପିଲାଟିକୁ ଧକ୍କା ଦେଇଥିଲା ।

ଘଟଣାସ୍ଥଳରେ ପିଲାଟିର ମୃତ୍ୟୁ ଘଟିଥିବାବେଳେ ଟ୍ରକ ଡ୍ରାଇଭର ସେଠାରୁ ଫେରାର ହୋଇଯାଇଥିବା ଜଣାପଡିଛି । ଦୁର୍ଘଟଣାରେ ପରେ କ୍ଷତିପୂରଣ ଦାବିରେ ଘଟଣାସ୍ଥଳରେ ତୀବ୍ର ଉତ୍ତେଜନା ସୃଷ୍ଟି ହୋଇଛି । ପୋଲିସ ସେଠାରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି ।

କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ