ଆନନ୍ଦପୁର: ବାପାର ଠେଙ୍ଗା ମାଡରେ 10 ମାସ ଶିଶୁକନ୍ୟାର ମୃତ୍ୟୁ ଘଟିଛି । ଏଭଳି ହୃହୟ ବିଦାରକ ଘଟଣା ଘଟିଛି ଆନନ୍ଦପୁର ମ୍ୟୁନିସିପାଲିଟିର 13 ନମ୍ବର ୱାର୍ଡର ସାଉଣ୍ଡି ସାହିରେ ।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
ସୂଚନାନୁସାରେ, ମଙ୍ଗଳବାର ଅପରାହ୍ନରେ ସାଉଣ୍ଡି ସାହିର ସନାତନ ଦେହୁରୀ ଓ ତାଙ୍କ ଭାଇ ରଞ୍ଜନ ଦେହୁରୀ ଏକ ସ୍କୁଟିକୁ ନେଇ ଝଗଡା ଲାଗିଥିଲେ । ଏହି ସମୟରେ ସନାତନଙ୍କ ପତ୍ନୀ ଝୁମୁରୀ ନିଜ 10 ମାସର ଶିଶୁକନ୍ୟାକୁ ଧରି ତାଙ୍କୁ ଅଟକାଇବାକୁ ଚେଷ୍ଟା କରୁଥିଲେ । ତେବେ ରାଗରେ ଥିବା ସନାତନ ଉତକ୍ଷିପ୍ତ ହୋଇ ଏକ ଠେଙ୍ଗାରେ ଝୁମୁରୀକୁ ମାରିବାକୁ ଉଠାଇଥିବାବେଳେ ଠେଙ୍ଗାଟି 10 ମାସର ଶିଶୁକନ୍ୟା ମୁଣ୍ଡରେ ବାଜିଥିଲା । ଏଥିରେ ଶିଶୁକନ୍ୟାଟି ଗୁରୁତର ଆହତ ହୋଇଥିଲା ।