କେନ୍ଦ୍ରାପଡ଼ା: ଛେଳି ଚରାଇବାକୁ ଯାଇଥିଲେ ଯୁବତୀ ଟାଣିନେଲା କୁମ୍ଭୀର । ଏଭଳି ଘଟଣା ଘଟିଛି କେନ୍ଦ୍ରାପଡା ଜିଲ୍ଲାରେ । ନାଳକୁ ଛେଳି ଚରାଇବାକୁ ଯାଇଥିବା ଯୁବତୀ କୁମ୍ଭୀର ଆକ୍ରମଣର ଶିକାର ହୋଇଛନ୍ତି । ବର୍ତ୍ତମାନ ସେ ନିଖୋଜ ଥିବା ସୂଚନା ।
ଛେଳି ଖୋଜିବାକୁ ଯାଇଥିଲେ ଯୁବତୀ ଟାଣିନେଲା କୁମ୍ଭୀର
ସୂଚନାନୁଯାୟୀ, ଶୁକ୍ରବାର ଅପରାହ୍ନରେ କେନ୍ଦ୍ରାପଡ଼ା ରାଜନଗର ରଙ୍ଗଣି ପଞ୍ଚାୟତରୁ ଭିତରକନିକାକୁ ସଂଯୋଗ କରୁଥିବା ଭେକଟା ନାଳରେ ଛେଳି ଚରାଇବାକୁ ଯାଇ କୁମ୍ଭୀର ଆକ୍ରମଣ ଶିକାର ହୋଇ ନିଖୋଜ ହୋଇଛନ୍ତି କୁରୁମାସାହି ମଥୁରୀ ଦଳାଇଙ୍କ ଝିଅ ସିଲା ଦଳାଇ । ସିଲା ଛେଳି ଚରାଉଥିବା ବେଳେ ଛେଳି ପଲରୁ ଗୋଟିଏ ଛେଳି ଭେକଟା ନାଳ ନିକଟସ୍ଥ ଜଙ୍ଗଲକୁ ଚାଲି ଯାଇଥିଲା । ଛେଳିକୁ ଖୋଜିଖୋଜି ୧୮ ବର୍ଷୀୟା ସିଲା ଏହି ଜଙ୍ଗଲ ମଧ୍ୟକୁ ଯାଇ ଖୋଜିବା ସମୟରେ ହଠାତ୍ ଏକ କୁମ୍ଭୀର ତାଙ୍କୁ ଆକ୍ରମଣ କରି ପାଣି ଭିତରକୁ ଟାଣି ନେଇଥିଲା ।