କେନ୍ଦ୍ରାପଡ଼ା: ପଟ୍ଟାମୁଣ୍ଡାଇ ଥାନା ଅରଡ଼ପଲି ଗାଁରେ ଜଣେ ମହିଳାଙ୍କୁ ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ। ମୃତ ମହିଳା ଜଣକ ହେଉଛନ୍ତି ଅରଡ଼ପଲି ଗାଁର ମିନତୀ ଜେନା। ମିନତୀ ଘରେ ଏକାକୀ ଥିବା ବେଳେ ସ୍ୱାମୀ ଅମୂଲ୍ୟ ଓ ପୁଅ ଘରେ ନଥିଲେ। ଏହାର ସୁଯୋଗ ନେଇ କେହି ଦୁର୍ବୃତ୍ତ ହତ୍ୟା କରିଥିବା ସନ୍ଦେହ କରାଯାଉଛି।
ଲୁଟ ପରେ ମହିଳାଙ୍କୁ ହତ୍ୟା ସନ୍ଦେହ, ପୋଲିସର ଛାନଭିନ ଜାରି ମିନତୀଙ୍କୁ ଶକ୍ତ ଧାରୁଆ ଅସ୍ତ୍ରରେ ହତ୍ୟା କରାଯାଇଥିବା ଅନୁମାନ କରାଯାଉଛି। ପ୍ରଚୁର ରକ୍ତସ୍ରାବ ସମୟରେ ମିନତୀଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମିନତୀଙ୍କ ସ୍ୱାମୀଙ୍କ ଲିଖିତ ଅଭିଯୋଗକୁ ଭିତ୍ତି କରି ପଟ୍ଟାମୁଣ୍ଡାଇ ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ବେଳେ ମିନତୀ ଏକ ବଡ଼ ଧରଣର ଲୁଟର ଶିକାର ହୋଇ ଜୀବନ ହରାଇଥିବା କୁହାଯାଉଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
