କ୍ୟାବିନ ପୋଡ଼ିବାକୁ ନେଇ ଉତ୍ତେଜନା, ରାସ୍ତାରୋକ କଲେ ମହିଳା

ପାଟକୁରା ଥାନା ନଇନିପୁର ଠାରେ ବିଳମ୍ବିତ ରାତ୍ରିରେ ଏକ କ୍ୟାବିନ ପୋଡିବା ପ୍ରତିବାଦରେ ସ୍ଥାନୀୟ ମହିଳାମାନଙ୍କ ରାସ୍ତାରୋକ । ଅନ୍ୟପଟେ ଏଥିରେ ସମ୍ପୃକ୍ତ ସମସ୍ତ ଅଭିଯୁକ୍ତଙ୍କୁ ପୋଲିସ ଗିରଫ କରିବାର ପ୍ରତିଶୃତି ଦେବା ପରେ ରାସ୍ତାରୁ ହଟିଥିଲେ ମହିଳା। ଅଧିକ ପଢନ୍ତୁ...

କେନ୍ଦ୍ରାପଡ଼ା: କ୍ୟାବିନ ପୋଡ଼ିବାକୁ ନେଇ ଉତ୍ତେଜନା । ପାଟକୁରା ଥାନା ନଇନିପୁରଠାରେ ଗତକାଲି(ବୁଧବାର) ବିଳମ୍ବିତ ରାତ୍ରିରେ ଏକ କ୍ୟାବିନ ପୋଡିବା ପ୍ରତିବାଦରେ ସ୍ଥାନୀୟ ମହିଳାମାନେ ରାସ୍ତାରୋକ କରିଥିଲେ । ସୂଚନାମୁତାବକ,ଗତ 2 ତାରିଖରେ ସେହି ଗ୍ରାମରେ ଏକ ଗଣ୍ଡଗୋଳକୁ କେନ୍ଦ୍ରକରି କେହି ଦୁର୍ବୃତ୍ତ କ୍ୟାବିନଟିକୁ ପୋଡିଥିବା ଅଭିଯୋଗ ହୋଇଛି ।

ତେବେ ଏନେଇ କେନ୍ଦ୍ରାପଡା ଏସଡିପିଓ, ପାଟକୁରା ଥାନା ଅଧିକାରୀ ଓ ସ୍ପେଶାଲ ସ୍କ୍ବାର୍ଡ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଘଟଣାରେ ସମ୍ପୃକ୍ତ ଜଣଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ଅନ୍ୟପଟେ ଏଥିରେ ସମ୍ପୃକ୍ତ ସମସ୍ତ ଅଭିଯୁକ୍ତଙ୍କୁ ପୋଲିସ ଗିରଫ କରିବା ପ୍ରତିଶୃତି ଦେବା ପରେ ମହିଳାମାନେ ରାସ୍ତାରୁ ହଟିଥିଲେ ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ