କେନ୍ଦ୍ରାପଡା: ପୋଲିସ ନାଁରେ ଅଭିଯୋଗ ଆଣିଲେ ମହିଳା । ପଟ୍ଟାମୁଣ୍ଡାଇ ଆଦର୍ଶ ଥାନା ଅଧିକାରୀଙ୍କ ବିରୋଧରେ ଅଭିଯୋଗ ଆଣିଲେ ସଂଯୁକ୍ତା ନାଥ । ଏନେଇ ମହିଳା ଜଣକ ନିଜ ପରିବାର ସହ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ।
ସୂଚନାନୁଯାୟୀ, ଗତ ୧୭ତାରିଖରେ ପଟ୍ଟାମୁଣ୍ଡାଇ ବାଲିଆ ଅଞ୍ଚଳର ଦୁଇପକ୍ଷ ମଧ୍ୟରେ କୌଣସି କାରଣ ପାଇଁ ବଚସା ଓ ମାଡପିଟ ହୋଇଥିଲା। ଏହି ଘଟଣାର ତଦନ୍ତ ପାଇଁ ପଟ୍ଟାମୁଣ୍ଡାଇ ପୋଲିସ ଗାଁକୁ ଯାଇ ଉଭୟ ପକ୍ଷଙ୍କ ଘର ଠିକଣା ପଚାରିବାରୁ ସଂଯୁକ୍ତାଙ୍କ ସ୍ବାମୀ ଆଲେଖ ଉଭୟଙ୍କ ଘର ଦେଖାଇ ଦେଇଥିଲେ।
ପୋଲିସ ବିରୋଧରେ ଅଭିଯୋଗ ଆଣିଲେ ମହିଳା
ତେବେ ପୋଲିସକୁ କାହିଁକି ସେମାନଙ୍କ ଘର ଦେଖାଇଲୁ ବୋଲି କହି ସରୋଜ ଦାସ, ଆଲେଖଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିହା ସହ ହତ୍ୟା ଉଦ୍ୟମ କରିବାରୁ ଉଭୟ ସଂଯୁକ୍ତା ଓ ଅଲେଖ ଅନ୍ୟ ଉପାୟ ନପାଇ ଭୟରେ ପଟ୍ଟାମୁଣ୍ଡାଇ ଥାନାକୁ ନିଜର ଏକ ଲୁନା ଗାଡିରେ ଏତଲା ଦେବାକୁ ଯାଉଥିଲେ।