କେନ୍ଦ୍ରାପଡ଼ା:ଜିଲ୍ଲାରେ ବିଢିବାରେ ଲାଗିଛି ଲଗାଣ ବର୍ଷା ପରବର୍ତ୍ତୀ ବିପତ୍ତି ।ପୁଣି କାନ୍ଥ ଭୁଶୁଡି ଜଣେ ବୃଦ୍ଧା ପ୍ରାଣ ହରାଇଛନ୍ତି । ଏପରି ଅଭାବନୀୟ ଘଟଣା ଘଟିଛି ନିକିରାଇ ଥାନା ଅନ୍ତର୍ଗତ କୋରୋ ଗ୍ରାମରେ । ମୃତକ ଜଣଙ୍କ ସ୍ଥାନୀୟ ଅଞ୍ଚଳର ୭୬ ବର୍ଷୀୟା ବୃଦ୍ଧା କମଳା ନାୟକ ବୋଲି ଜଣାପଡିଛି । ଗତକାଲି ଜିଲ୍ଲାର ବଡ଼ ବେତରା ଓ ଢି଼ଅସାହି ଗ୍ରାମରେ ଲଘୁଚାପ ଜନିତ ଲଗାଣ ବର୍ଷା କାରଣରୁ ୨ଜଣଙ୍କ ମୃତ୍ୟୁ ଘଟିଥିବାବେଳେ ଆଜି ପୁଣି ଏକ ଜୀବନହାନୀ ଜିଲ୍ଲାରେ ଶୋକାକୁଳ ପରିସ୍ଥିତି ସୃଷ୍ଟି କରିଛି ।
କେନ୍ଦ୍ରାପଡାରେ କାନ୍ଥପଡି ପୁଣି ଜଣେ ବୃଦ୍ଧା ମୃତ, ଜିଲ୍ଲାରେ ମୃତ୍ୟୁ ସଂଖ୍ୟା ୩କୁ ବୃଦ୍ଧି
ସୂଚନାନୁଯାୟୀ ଆଜି ଅପରାହ୍ନରେ କମଳା ନାୟକ(ବେୱା) ପୂଜା ଶେଷ କରି ଖାଇବାକୁ ଯାଉଥିବା ସମୟରେ ବର୍ଷାରେ ଭିଜି ରହିଥିବା ମାଟି କାନ୍ଥ ତାଙ୍କ ଉପରେ ଭୁଶୁଡି ପଡିଥିଲା । ଗ୍ରାମବାସୀ ପହଞ୍ଚି ମାଟି ତାଡି ତାଙ୍କୁ ଉଦ୍ଧାର କିରଥିଲେ ସୁଦ୍ଧା ଘଟଣାସ୍ଥଳରେ ହିଁ ବୃଦ୍ଧାଙ୍କର ମୃତ୍ୟୁ ହୋଇସାରିଥିଲା ।