କେନ୍ଦ୍ରାପଡା: ବାରହା ଆକ୍ରମଣରେ ଦୁଇ ଆହତ । କେନ୍ଦ୍ରାପଡା ଜିଲ୍ଲା ମହାକାଳପଡ଼ା ଜମ୍ବୁ ମେରାଇନ ଥାନା ଅନ୍ତର୍ଗତ ହରିଆବାଙ୍କ ଗାଁରେ ବାରହା ଆକ୍ରମଣରେ ଦୁଇଜଣ ଆହତ ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ବାରମ୍ବାର ବାରହା ଆକ୍ରମଣ ହେଉଥିବାବେଳେ ବନ ବିଭାଗର ନୀରବତା ନେଇ ଅଭିଯୋଗ ଆଣିଛନ୍ତି ଗ୍ରାମବାସୀ ।
ବାରହା ଆକ୍ରମଣରେ ଦୁଇ ଆହାତ
ହରିଆବାଙ୍କ ଗାଁର ପଶୁପତି ଜାନା ଓ ମଦନ ଆଚାର୍ଯ୍ୟ ନିଜ ଚାଷଜମିରୁ ନଡ଼ା ଆଣିବାକୁ ଯାଇଥିବା ବେଳେ ତାଙ୍କୁ ଦୁଇ ବାରହା ଆକ୍ରମଣ କରିଥିଲେ । ଫଳରେ ଦୁଇଜଣଙ୍କ ହାତ, ଗୋଡ଼, ଜଙ୍ଘ ଓ ଛାତିରେ ଗଭୀର ଆଘାତ ଲାଗିଥିଲା । ଖବର ପାଇ ଗ୍ରାମବସୀ ଉଭୟଙ୍କୁ ଉଦ୍ଧାର କରି ପ୍ରଥମେ ମହାକାଳପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଅବସ୍ଥା ଗୁରୁତର ହେବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା ।