କେନ୍ଦ୍ରାପଡ଼ା:କେଉଁ କେଉଁ ଦଳୀୟ ବିଧାୟକଙ୍କୁ ଆସନ୍ତା ସାଧାରଣ ନିର୍ବାଚନରେ ବାଦ ଦେବେ ନବୀନ। ଏନେଇ ସୋସିଆଲ ମିଡିଆରେ ଘୁରି ବୁଲୁଛି ଏକ ଅଡିଓ ଟେପ।ଏଥିରେ ଟିକେଟକୁ ନେଇ ଦୁଇ ବ୍ୟକ୍ତିଙ୍କ ବାର୍ତ୍ତାଳାପ ରହିଛି। ନବୀନ କେଉଁ କେଉଁ ବିଧାୟକଙ୍କ ଟିକେଟ କାଟିଛନ୍ତି, ସେନେଇ ଜଣେ ଅନ୍ୟ ଜଣଙ୍କୁ ସୂଚନା ଦେଉଛନ୍ତି। ଯଦିଓ ଏଥିରେ ଥିବା ସ୍ବର କାହାର ଜଣାପଡୁନି, ତଥାପି ବି ନେତାଙ୍କ ଛାତି ଧଡଧଡ ହୋଇଯାଇଛି। ଶାସକ ଦଳର ନେତାଙ୍କୁ ଚମକାଇ ଦେଇଛି ଏହି ଅଡିଓ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ବିଶେଷକରି କେନ୍ଦ୍ରାପଡାରେ ରାଜନୈତିକ ତୁମ୍ବି ତୋଫାନ ଆରମ୍ଭ ହୋଇଯାଇଛି। କାହିଁକିନା ଜିଲ୍ଲାର ଦୁଇଜଣ ଶାସକ ଦଳ ବିଧାୟକଙ୍କ ଟିକେଟ କଟିଥିବା ନେଇ ଏଥିରେ କୁହାଯାଇଛି।ଭାଇରାଲ ହୋଇଥିବା ଅଡିଓ ଟେପ ଅନୁସାରେ କେନ୍ଦ୍ରାପଡ଼ା ଓ ପାଟକୁରା ବିଧାୟକ ଏଥର ବିଜେଡି ଟିକେଟରୁ ବାଦ ପଡୁଛନ୍ତି । ଯାହାକୁ ନେଇ ଦଳୀୟ କର୍ମୀଙ୍କ ମଧ୍ୟରେ ଆଲୋଚନା ସରଗରମ ହୋଇଉଠିଛି।