କେନ୍ଦ୍ରାପଡ଼ା : ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଅବମାନନା କଲା ଜିଲ୍ଲା ପ୍ରଶାସନ । ଫଳସ୍ୱରୂପ ଅସାଧୁ ଜବରଦଖଲକାରୀ ମୋଟା ଅଙ୍କର ଟଙ୍କା ପାଇଁ ଭଡାରେ ଦେଇଦେଲେ ବୁଢା ଗୋବିନ୍ଦଜୀଉ ଠାକୁରଙ୍କ ଜମି । ବକେୟା ଭଡା ତ ଦେଲେନି ଓଲଟା ଦାଦାଗିରି ଦେଖେଇ ମଲ ଉଦଘାଟନ କଲେ । ଯାହାର ପ୍ରତିବାଦ ସ୍ୱରୂପ ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ଗୁଲନଗରସ୍ଥିତ ବୁଢା ଗୋବିନ୍ଦଜୀଉ ମନ୍ଦିର ଅଧୀନରେ ।
ସପିଙ୍ଗ ମଲକୁ ବିରୋଧ କରି ଆନ୍ଦୋଳନକୁ ଓହ୍ଲାଇଲେ ଗ୍ରାମବାସୀ
ଏଠାରେ ଥିବା ତିନିମୁହାଣୀରେ ଦୁଇ ଏକର ସାତ ଡେସିମିଲ ଜାଗାରେ ବିଭିନ୍ନ ବ୍ୟବସାୟିକ ଅନୁଷ୍ଠାନମାନେ ଭଡା ବାବଦକୁ ଥିବା ବକେୟା ଟଙ୍କା ନଦେଇ ଫାଙ୍କି ଆସୁଥିଲେ । ଅନ୍ୟପଟେ ୧୧ ଜଣ ଠାକୁର ଜମି ହଡପକାରୀ ଏହି ଜାଗାକୁ ଭଡାସୂତ୍ରରେ ଦେଇ ମାଲାମାଲ ହେଉଥିବାବେଳେ ମନ୍ଦିର ଟ୍ରଷ୍ଟ ବୋର୍ଡ ସୁପ୍ରିମକୋର୍ଟର ଦ୍ୱାରସ୍ଥ ହୋଇଥିଲେ । ଏବେ ଏକ ନିର୍ଦ୍ଦିଷ୍ଟ ଜାଗାରେ ଥିବା ସିନେମା ହଲ ଭାଙ୍ଗି ଏକ ସପିଙ୍ଗ ମଲ (ବାଜାର କୋଲକାତା) ମଧ୍ୟ ଗଢି ଉଠିଛି ।