କେନ୍ଦ୍ରାପଡା: କୋରୋନା ମହାମାରୀକୁ ନେଇ ସବୁଆଡେ ଲକଡାଉନ । ଏହି ସମୟରେ ଲୋକେ ମୁଠାଏ ଦାନା ପାଇଁ ଡ଼ହଳ ବିକଳ ହେଉଥିବା ବେଳେ କିଛି ଲୋକ ନିଶା ପାଇଁ ପାଗଳ ପ୍ରାୟ। ଲକଡାଉନକୁ ନଜରରେ ରଖି ମଦ ଦୋକାନ ସବୁ ବନ୍ଦ ଥିବା ବେଳେ ମଦ୍ୟପ ମଦ ପାଇଁ ଟଙ୍କାକର ଜିନିଷକୁ ଦଶ ଟଙ୍କାରେ କିଣିବାକୁ ପଛାଉ ନାହାନ୍ତି। ଏହି ସମୟରେ କିଛି ଅସାଧୁ ଲୋକ ଚୋରାରେ ମଦ ଆଣି ଚଢା ଦରରେ ବିକ୍ରି କରୁଥିବା ସାମ୍ନାକୁ ଆସିଛନ୍ତି ।
ମଦ ଚୋରି କରୁଥିବା 2 ମଦ୍ୟପଙ୍କୁ ଗିରଫ କଲା ପୋଲିସ
ତେବେ କେନ୍ଦ୍ରାପଡାର ରାଜନଗର ଥାନା ସାନବଡ଼ ଗୋପାଳପୁରରେ ଥିବା ଏକ ବିଦେଶୀ ଠିପିବନ୍ଦ ମଦ ଦୋକାନରେ ପଶି ମଦ ଚୋରି କରିବାକୁ ଉଦ୍ୟମ କରୁଥିବା ଦୁଇଜଣ ଯୁବକଙ୍କୁ ଗିରଫ କରିଛି ପୋଲିସ । ଚୋରି ସମୟରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ।