ଲୁଣାନଦୀରେ ଭାସୁଛି ଯୁବକ-ଯୁବତୀଙ୍କ ମୃତଦେହ

08:26 September 10

କେନ୍ଦ୍ରାପଡା ଲୁଣାନଦୀରେ ଦୁଇଟି ମୃତଦେହ ଭାସିଯାଉଥିବାର ଦୃଶ୍ୟ ଦେଖିବାକୁ ମିଳିଛି । ମୃତଦେହ ଦୁଇଟି କାହାର ତାହା ସ୍ପଷ୍ଟ ହୋଇନାହିଁ ।

କେନ୍ଦ୍ରାପଡା: ଜିଲ୍ଲାରେ ଚାଞ୍ଚଲ୍ୟ । ଲୁଣା ନଦୀରେ ଭାସୁଛି ଗୋଟିଏ ନୁହେଁ ଦୁଇଟି ମୃତଦେହ । ମୃତଦେହ ଗୋଟିଏ ଯୁବକର ହୋଇଥିବା ବେଳେ ଅନ୍ୟଟି ଜଣେ ଯୁବତୀଙ୍କର । ଏହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଛି ।  

ସ୍ଥାନୀୟଲୋକେ ପ୍ରଥମେ ଲୁଣାନଦୀର କଳପଡା ପୋଲ ନିକଟରେ ମୃତଦେହ ଭାସୁଥିବା ଦେଖିବାକୁ ପାଇଥିଲେ ।  ତେବେ ଏ ଯୁବକ-ଯୁବତୀ କିଏ ? ପରିଚୟ ମିଳିପାରିନାହିଁ । ନଦୀକୁ କିଭଳି ମୃତଦେହ ଆସିଲା ତାହା ଏବେ ସନ୍ଦେହ ଘେରରେ । ଉଭୟେ ଆତ୍ମହତ୍ୟା କରିଛନ୍ତି ନା କେହି ସେମାନଙ୍କୁ ହତ୍ୟା କରିଛି ତାହା ଜଣାପଡିନାହିଁ । ଘଟଣାର ତଦନ୍ତ ପରେ ପ୍ରକୃତ ସତ୍ୟ ସାମ୍ନାକୁ ଆସିବ । 

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ