କେନ୍ଦ୍ରାପଡା: ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ରାଜପୁର ଗାଁରେ ହେଟାବାଘ ଆତଙ୍କ। ସନ୍ଧ୍ୟାରେ ହେଟାବାଘ ଆକ୍ରମଣରେ ଦୁଇଜଣ ଗୁରୁତର ହୋଇଥିବା ଅଭିଯୋଗ ହୋଇଛି । ଗାଁର କମଳା ଦାସ ରୋଷେଇ ଘରେ ବସିଥିବା ସମୟରେ ହଠାତ୍ ଏକ ହେଟାବାଘ କମଳାଙ୍କ ଉପରେ ଆକ୍ରମଣ କରିଥିଲା ।
ହେଟା ବାଘ ଆକ୍ରମଣରେ ୨ ଗୁରୁତର
ହେଟାଟି କମଳାଙ୍କ ବେକ ଓ ମୁହଁକୁ କାମୁଡିବା ଫଳରେ କମଳା ଚିତ୍କାର କରିଥିଲେ। କମଳାଙ୍କ ଚିତ୍କାର ଶୁଣି ନାତି ପ୍ରତାପ ଦାସ ଓ ପରିବାରର ଅନ୍ୟ ଲୋକମାନେ ଦୌଡ଼ି ଆସିଥିଲେ। ପ୍ରତାପ ହେଟାଟିକୁ ଘଉଡାଇବାକୁ ଚେଷ୍ଟା କଲାବେଳେ ହେଟା ବାଘଟି ପ୍ରତାପଙ୍କୁ ମଧ୍ୟ ଆକ୍ରମଣ କରିଥିଲା । ଯାହାଫଳରେ ପ୍ରତାପଙ୍କ ନାକ ଓ ଗୋଡ଼ରେ ଆଘାତ ଲାଗିଛି।