କେନ୍ଦ୍ରାପଡ଼ା: ବିଳମ୍ବିତ ରାତିରେ ଇଲେକ୍ଟ୍ରି କର୍ମଚାରୀଙ୍କୁ ବାନ୍ଧି ଲକ୍ଷାଧିକ ଟଙ୍କାର ସାମଗ୍ରୀ ଲୁଟିଲେ ଦୁର୍ବୃତ୍ତ। ଅଭିଯୋଗ ଅନୁଯାୟୀ, ଛଘରିଆସ୍ଥିତ କେନ୍ଦ୍ରାପଡ଼ା-1 ଇଲେକ୍ଟ୍ରି ସବଷ୍ଟେସନରେ ଗତକାଲି(ଶନିବାର) ବିଳମ୍ବିତ ରାତିରେ 15ରୁ ଉର୍ଦ୍ଧ୍ଵ ଦୁର୍ବୃତ୍ତ ପଶି ସବଷ୍ଟେସନ ପରିସରରେ ପଡିଥିବା 10କିଲୋମିଟର ଲମ୍ବର ତାର, ବିଭିନ୍ନ ଲୁହା ସାମଗ୍ରୀକୁ ଲୁଟ କରିଛନ୍ତି ।
ଇଲେକ୍ଟ୍ରି ସବଷ୍ଟେସନରେ ପଶିଲେ ଦୁର୍ବୃତ୍ତ
ଏହି ଚୋରୀ କରୁଥିବା ସମୟରେ ଦୁଇ କର୍ମଚାରୀ ସେମାନଙ୍କୁ ଦେଖିନେଇଥିଲେ। ଏହାପରେ ଦୁର୍ବୃତ୍ତମାନେ ଦୁଇ କର୍ମଚାରୀ ପ୍ରଦୋଷ ଓ ରଣଜିତଙ୍କୁ ପାଇଖାନା ଘରେ ବାନ୍ଧି ମାଡ଼ ମାରିବା ସହ ସେମାନଙ୍କ ମୋବାଇଲ ଓ ପର୍ସ ଲୁଟ କରିନେଇଛନ୍ତି।