କେନ୍ଦ୍ରାପଡା: ସମୁଦ୍ରରେ ଗାଧୋଇବା ହେଲା କାଳ । ସମୁଦ୍ର ଲହଡିରେ ଭାସି ଯାଇ ଗଲା ଯୁବକଙ୍କ ଜୀବନ। ମୃତ ଯୁବକ ଜଣଙ୍କ ହେଉଛନ୍ତି ପଟ୍ଟାମୁଣ୍ଡାଇ ବ୍ଲକ ଗୋପ୍ତିରା ଗ୍ରାମର ସତ୍ୟଜୀତ ବାଇ। ସତ୍ୟଜିତ ଓ ତାଙ୍କର 6ଜଣ ସାଙ୍ଗ ଆଜି ପେଣ୍ଠ ବେଳାଭୂମିରେ ଗାଧୋଇବା ପାଇଁ ଯାଇଥିଲେ । ତେବେ ସେମାନେ ଗାଧୋଉଥିବା ବେଳେ ହଠାତ 3 ମିଟରରୁ ଉଚ୍ଚ ଲହଡି ଆସିବାରୁ ସମୁଦ୍ର ଭିତରକୁ ଭାସି ଯାଇଥିଲେ ସତ୍ୟଜିତ । ପରେ ତାଙ୍କୁ ଖୋଜା ଖୋଜି କରିଥିଲେ ମଧ୍ୟ ସେ ମିଳି ନଥିଲେ ।
ପେଣ୍ଠ ବେଳାଭୂମିରେ ଗାଧୋଇବାକୁ ଯାଇ ଭାସିଗଲେ ଯୁବକ
ଖବର ପାଇ ଘଟଣା ସ୍ଥଳରେ ରାଜନଗର ଅଗ୍ନିଶମ ବାହିନୀ ପହଁଞ୍ଚିଥିଲେ ହେଁ ଭୟଙ୍କର ଲହଡି ଦେଖି ଭିତରକୁ ପଶିପାରି ନଥିଲେ ଅଗ୍ନିଶମ ବାହିନୀ । ଉତ୍ୟକ୍ତ ଲୋକେ ଅଗ୍ନିଶମ ବାହିନୀକୁ କିଛି ସମୟ ପାଇଁ ଅଟକ ରଖିଥିଲେ। ଘଟଣା ସ୍ଥଳରେ ରାଜନଗର ପୋଲିସ ପହଁଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଘଟଣାସ୍ଥଳରେ ଉତ୍ତେଜନା ହ୍ରାସ ପାଇଥିଲା।