କେନ୍ଦ୍ରାପଡ଼ା: ବିଶ୍ବରେ ଏବେ ଆତଙ୍କ ଖେଳାଉଛି ମହାମାରୀ କୋରୋନା । ସାରା ଭାରତବର୍ଷକୁ ତିନୋଟି ପର୍ଯ୍ୟାୟରେ ଲକଡାଉନ ଘୋଷଣା କରାଯାଇଥିବା ବେଳେ ସଂକ୍ରମଣ ଏଡ଼ାଇବା ପାଇଁ ଉଦ୍ୟମରତ କର୍ମଚାରୀ ମାନଙ୍କର ମନୋବଳ ବଢାଇବା ପାଇଁ ସମ୍ବର୍ଦ୍ଧନା ପ୍ରଦାନ ଏକ ଉତ୍ସବ ମାତ୍ର । କେତେବେଳେ ଅମାନିଆକୁ ସାବାଡ଼ କରିବା ପାଇଁ ଲାଠି ଉଠାଇବାକୁ ହେଉ ଆଉ କେତେବେଳେ ଲୋକମାନଙ୍କ ସହିତ ସମ୍ପର୍କ ସ୍ଥାପନ ପାଇଁ ପୋଲିସ-ପବ୍ଲିକ ସେବା ହେଉ, ସବୁଠାରେ ଭୂମିକା ରହିଥାଏ ଆରକ୍ଷୀ ବିଭାଗର।
କେନ୍ଦ୍ରାପଡ଼ା ସଦର ଥାନା ଅଧିନରେ ଥିବା 32ଟି ପଞ୍ଚାୟତରେ ପୋଲିସର ଦିନରାତି ପହରା ପାଇଁ ଲୋକମାନେ ସଂକ୍ରମଣରୁ ଦୂରେଇ ରହି ପାରିଛନ୍ତି। ତେବେ କୋରୋନା ସମୟରେ ଯୋଦ୍ଧା ଭାବରେ କାର୍ଯ୍ୟ କରୁଥିବା କେନ୍ଦ୍ରାପଡ଼ା ସଦର ଥାନା ପୋଲିସ ବାହିନୀକୁ ଶ୍ୟାମସୁନ୍ଦରପୁର ପଞ୍ଚାୟତ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଧୂପ,ଦୀପ ଓ ପୁଷ୍ପମାଲ୍ୟରେ ଏହି କୋରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରିଥିଲେ ମହିଳା ସରପଞ୍ଚ ଓ ଗ୍ରାମବାସୀ। ଏଭଳି ଏକ ସମ୍ବର୍ଦ୍ଧନା କାର୍ଯ୍ୟକ୍ରମ କରି ଲୋକମାନଙ୍କୁ ପ୍ରେରଣା ଯୋଗାଇଥିବାରୁ ସରପଞ୍ଚ ମହାଶୟାଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ଗ୍ରାମବାସୀ ।