କେନ୍ଦ୍ରାପଡ଼ା: ତନ୍ତିଆପାଳ ସାମୁଦ୍ରିକ ଥାନା କୁଳନାଞ୍ଜୁରା ଗ୍ରାମରେ ଘଟିଛି ଅଭାବନୀୟ ଘଟଣା । ଜମିବାଡି ବିବାଦକୁ ନେଇ ଜଣେ ମହିଳାଙ୍କ ଘରେ ଜଣେ ଦୁର୍ବୃତ୍ତ ନିଆଁ ଲଗାଇ ଦେଇଥିବା ଜଣାପଡିଛି । ଏନେଇ ତନ୍ତିଆପାଳ ଥାନାରେ ଲିଖିତ ଅଭିଯୋଗ କରାଯାଇଛି ।
ପୂର୍ଵ ଶତ୍ରୁତାରୁ ଘରେ ନିଆଁ ଲଗାଇଦେଲେ ଦୁର୍ବୃତ୍ତ, ଥାନାରେ ଏତଲା
କୁଳନାଞ୍ଜୁରା ଗ୍ରାମର ନିର୍ମଳା ବିଶ୍ବାଳଙ୍କୁ ଗତକାଲି ସକାଳୁ ସେହି ଗ୍ରାମର ଜଣେ ବ୍ୟକ୍ତି ଜୀବନରୁ ମାରି ଦେବାକୁ ଏବଂ ଘର ପୋଡି ଦେବାକୁ ଧମକ ଦେଇଥିଲା । ତେବେ ବିଳମ୍ବିତ ରାତିରେ ନିର୍ମଳାଙ୍କ ଘରେ ନିଆଁ ଲାଗି ତିନି ବଖରା ଚାଳ ଛପର ଘର ସଂପୂର୍ଣ୍ଣ ପୋଡି ଭସ୍ମୀଭୂତ ହୋଇଯାଇଛି । ନିର୍ମଳାଙ୍କର ଘରେ ଥିବା ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହେବା ସହିତ ସମସ୍ତ ଜରୁରୀ କାଗଜପତ୍ର ମଧ୍ୟ ପୋଡି ନଷ୍ଟ ହୋଇଯାଇଛି ।