କେନ୍ଦ୍ରାପଡ଼ା: ରାଜ୍ୟକୁ ପୁଣି ଫେରିଛି କୋରୋନା ଭୟ । ମହାରାଷ୍ଟ୍ରରେ କୋଭିଡ ଭୟାବହତାକୁ ଦେଖି ରାଜ୍ୟ ଏସଆରସି ସମସ୍ତ ଜିଲ୍ଲାପାଳଙ୍କୁ କୋଭିଡ ଗାଇଡ଼ଲାଇନକୁ ଦୃଢ଼ ଭାବେ ଅନୁପାଳନ କରିବା ପାଇଁ ନିର୍ଦ୍ଦେଶ ଜାରି କରିଛନ୍ତି। ଏହି କ୍ରମରେ ଆଜି(ମଙ୍ଗଳବାର) କେନ୍ଦ୍ରାପଡା ଜିଲ୍ଲା ପ୍ରଶାସନ ପକ୍ଷରୁ କୋଭିଡ ସଂକ୍ରମଣ ରୋକିବା ପାଇଁ ପ୍ରସ୍ତୁତି କରାଯାଇଛି ।
ସଂକ୍ରମଣ ରୋକିବାକୁ ଜିଲ୍ଲା ପ୍ରଶାସନ ପ୍ରସ୍ତୁତି
କେନ୍ଦ୍ରାପଡ଼ା ଜିଲ୍ଲାର ପ୍ରତ୍ୟେକ ବ୍ଲକ, ମ୍ୟୁନିସିପାଲିଟି, ଥାନା ଅଧିକାରୀମାନଙ୍କୁ ନେଇ ଏକ ଭିଡିଓ କନ୍ଫରେନ୍ସ ଅନୁଷ୍ଠିତ ହୋଇଛି। କୋଭିଡ ନିୟମକୁ ଠିକ ଭାବେ କାର୍ଯ୍ୟକାରୀ କରିବା ପାଇଁ ଡ଼ାକବାଜି ଯନ୍ତ୍ର ମାଧ୍ୟମରେ ସଚେତନତା କରାଯାଉ ଥିବାବେଳେ ସାମାଜିକ ଦୂରତା ରକ୍ଷା, ସାନିଟାଇଜର ବ୍ୟବହାର, ଅଯଥା ଗହଳି ନକରିବା ଓ ବ୍ୟବସାୟୀମାନଙ୍କୁ ଦୂରତ୍ବ ରଖି ବିଭିନ୍ନ ଦ୍ରବ୍ୟ ବିକ୍ରୟ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ।