କେନ୍ଦ୍ରାପଡା: ଶେଷ ହୋଇଛି କେନ୍ଦ୍ରାପଡା ଜିଲ୍ଲା ବିଜେଡି କାର୍ଯ୍ୟକାରିଣୀ ବୈଠକ । କେନ୍ଦ୍ରାପଡ଼ା ଇଚ୍ଛାପୁରସ୍ଥିତ ଏକ ଘରୋଇ ମଣ୍ଡପରେ ୫ ଜଣ ବିଧାୟକ,ଜିଲ୍ଲା ସଭାପତି,ସମସ୍ତ ନବ ନିଯୁକ୍ତ ସମ୍ପାଦକ ଓ କୋଷାଧ୍ୟକ୍ଷ ଏବଂ ବିଭିନ୍ନ ପଞ୍ଚାୟତ ସମିତି ଅଧ୍ୟକ୍ଷ ମାନଙ୍କୁ ନେଇ ଏହି ବୈଠକ ଅନୁଷ୍ଠିତ ହୋଇଯାଇଛି ।
ଶେଷ ହେଲା ବିଜେଡି ଜିଲ୍ଲା କାର୍ଯ୍ୟକାରିଣୀ ବୈଠକ, ସାଂସଦଙ୍କ ଅନୁପସ୍ଥିତି ନେଇ ଚର୍ଚ୍ଚା
ଦଳର ସାଙ୍ଗଠନିକ କାର୍ଯ୍ୟ ଭବିଷ୍ୟତରେ କିପରି ଶୃଙ୍ଖଳିତ ଓ ବ୍ୟବସ୍ଥିତ ହେବ ସେନେଇ ବୈଠକରେ ଆଲୋଚନା କରାଯାଇଥିଲା। ତେବେ କାର୍ଯ୍ୟକାରିଣୀ ବୈଠକରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଅନୁପସ୍ଥିତ ଥିବାବେଳେ ସେନେଇ କୌଣସି ଦଳୀୟ ପଦାଧିକାରୀ ମୁହଁ ଖୋଲିନଥିଲେ।