କେନ୍ଦ୍ରାପଡ଼ା: ରାଜ୍ୟରେ ଶିକ୍ଷା ବ୍ୟବସ୍ଥାର ମାନବୃଦ୍ଧି ନେଇ ସରକାର ଅନେକ ଯୋଜନା କରୁଛନ୍ତି । କିନ୍ତୁ ବାସ୍ତବରେ ଚିତ୍ର ଭିନ୍ନ । ସ୍କୁଲରେ ପାଠପଢା ବଦଳରେ କାମ କରୁଛନ୍ତି ଛାତ୍ରଛାତ୍ରୀ । ତାହା ପୁଣି ପ୍ରଧାନଶିକ୍ଷୟତ୍ରୀ ନିଜେ ପିଲାଙ୍କୁ ବିଭିନ୍ନ କାମରେ ନିୟୋଜିତ କରୁଛନ୍ତି । ଏଭଳି କିଛି ଭିଡିଓ ଏବେ ଭାଇରାଲ ହେବାରେ ଲାଗିଛି।
ପାଠ ବଦଳରେ ସ୍କୁଲ କାମରେ ଲାଗିଛନ୍ତି ଛାତ୍ରଛାତ୍ରୀ
କେନ୍ଦ୍ରାପଡ଼ା ଜିଲ୍ଲା ରାଜକନିକା ବ୍ଲକ ଆଗପଡା ପ୍ରକଳ୍ପ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଲୋପାମୁଦ୍ରା ବାରିକ ଛାତ୍ରଛାତ୍ରୀମାନଙ୍କୁ କାମ କରାଉଥିବା ଅଭିଯୋଗ ହୋଇଛି । ବିଭିନ୍ନ ସମୟରେ ପ୍ରଧାନ ଶିକ୍ଷୟତ୍ରୀ ସ୍କୁଲ ପରିସରରେ ଝାଡୁ ମାରିବା,ବାସନ ମାଜିବା,ସ୍କୁଲ ଘର ପୋଛିବା,ଅଇଁଠା ପତ୍ର ଗୋଟାଇବା,ବିଦ୍ୟାଳୟ ପାଚେରୀରେ ପାଣି ଦେବା ଆଦି କାର୍ଯ୍ୟ କରାଉଥିବା କୁହାଯାଉଛି । ଏପରିକି କାମ ନକଲେ ଶାରୀରିକ ଦଣ୍ଡ ମିଳୁଥିବା ନେଇ ରାଜକନିକା ବିଇଓଙ୍କ ନିକଟରେ ଅଭିଯୋଗ ହୋଇଥିବା ସୂଚନା ମିଳିଛି ।