କେନ୍ଦ୍ରାପଡ଼ା: ସଦର ଥାନା ଅନ୍ତର୍ଗତ ଦୁହୁରିଆଠାରେ ଥିବା ଏକ ଆବାସିକ ମହାବିଦ୍ୟାଳୟରୁ ଜଣେ ଛାତ୍ରୀଙ୍କ ମୃତଦେହ ଉଦ୍ଧାର କରାଯାଇଛି । ମୃତ ଛାତ୍ରୀ ଜଣଙ୍କ ହେଲେ ପାରାଦୀପ ବିଜୟଚନ୍ଦ୍ରପୁର ଗାଁର ସମ୍ପଦ ସାହୁଙ୍କ ଝିଅ ସରିତା ସାହୁ । ସେ ଟାଗୋର ମହାବିଦ୍ୟାଳୟରେ ଯୁକ୍ତ 2 ବିଜ୍ଞାନ ଛାତ୍ରୀ ଥିଲେ । ସରିତା ଜଣେ ମେଧାବୀ ଛାତ୍ରୀ ସହ ଖେଳକୁଦରେ ମଧ୍ୟ ସବୁବେଳେ ପ୍ରଥମ ସ୍ଥାନ ବଜାୟ ରଖୁଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ସୂଚନାମୂତାବକ, ଟାଗୋର କଲେଜର ଛାତ୍ରୀ ନିବାସରେ ସନ୍ଧ୍ୟା ପ୍ରାର୍ଥନା ଚାଲିଥିବା ସମୟରେ ହଷ୍ଟେଲର ପରିଚାଳିକା ଛାତ୍ରୀ ସରିତା ସାହୁ ଆତ୍ମହତ୍ୟା କରିଥିବା ଡାକ ପକାଇଥିଲେ । ପରେ ଅନ୍ୟ ଛାତ୍ରୀଙ୍କ ସହ ମିଶି ସେ ମଧ୍ୟ ସରିତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଯାଇଥିଲେ । ତେବେ ସେଠାରେ ଡାକ୍ତର ଛାତ୍ରୀ ଜଣଙ୍କୁ ମୃତ ଘୋଷଣା କରିଥିବାବେଳେ ସରିତାଙ୍କୁ ଆଣିଥିବା ପରିଚାଳିକା ଓ ସାଙ୍ଗରେ ଆସିଥିବା ଅନ୍ୟଜଣେ ଅଧ୍ୟାପକ ସେଠାରୁ ଫେରାର ହୋଇଯାଇଥିଲେ ।