କେନ୍ଦ୍ରାପଡ଼ା:ପୁଅ ସାଜିଲା ବାପାର ହତ୍ୟାକାରୀ। ମାରଣାସ୍ତ୍ରରେ ବାପାକୁ ହତ୍ୟା କରିବା ପରେ ଘରେ 2 ଦିନ ଲୁଚାଇ ରଖିଥିଲା ପିଚାସ ପୁଅ । ଏପରି ଅଭବନୀୟ ଘଟଣା ଘଟିଛି କେନ୍ଦ୍ରାପଡା ଜିଲ୍ଲା ଡେରାବିଶ୍ ଥାନା ଅଢ଼ଙ୍ଗା ମଲ୍ଲିକେଶ୍ବରପୁର ଗାଁରେ । ଉକ୍ତ ଗାଁର ଶୁଭେନ୍ଦୁ ଭଦ୍ର ନିଜ ବାପା ଅଲେଖ ଭଦ୍ରଙ୍କୁ ମାରଣାସ୍ତ୍ରରେ ହତ୍ୟା କରିଥିବା ଜଣାପଡିଛି । ହତ୍ୟାକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
ପୁଅ ସାଜିଲା ପିଚାସ, ବାପାକୁ ହତ୍ୟା ପରେ 2 ଦିନ ଲୁଚାଇ ରଖିଲା ମୃତଦେହ
କୌଣସି କାରଣରୁ ଦୁଇ ଦିନ ତଳେ ପୁଅ ଶୁଭେନ୍ଦୁ ଭଦ୍ର ନିଜ ବାପା ଅଲେଖ ଭଦ୍ରଙ୍କୁ ହତ୍ୟା କରିବା ପରେ ଘରେ ଲୁଚାଇ ରଖିଥିଲା । ଘର ଲୋକ ବହୁ ଖୋଜାଖୋଜି କରିବା ପରେ ମଧ୍ୟ ଅଲେଖ ଭଦ୍ରଙ୍କୁ ପାଇନଥିଲେ । ତେବେ ଦୁଇ ଦିନ ପରେ ଆଜି ଘରର ଏକ ପ୍ରକୋଷ୍ଠରୁ ଦୁର୍ଗନ୍ଧ ଆସିବାରୁ ସନ୍ଦେହ ହୋଇଥିଲା । ପରେ ଅଲେଖଙ୍କ ଗଳିତ ମୃତଦେହ ଉଦ୍ଧାର ହୋଇଥିଲା ।