କେନ୍ଦ୍ରାପଡା: ହାଇୱା-ଅଟୋ ମୁହାଁମୁହିଁ ଧକ୍କା। ଅଟୋରେ ଥିବା ୬ ଜଣ ଗୁରୁତର । ସେମାନଙ୍କୁ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ୨ ଜଣଙ୍କ ଅବସ୍ଥା ଅତି ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି ।
ମର୍ମନ୍ତୁଦ ସଡକ ଦୁର୍ଘଟଣା, ଉତ୍ୟକ୍ତ ଲୋକଙ୍କ ରାସ୍ତାରୋକ
ଚଉଦକୁଲାଟ ମୁଖ୍ୟ ରାସ୍ତା ଛକରେ ଏହି ଦୁର୍ଘଟଣା ଘଟିଛି। ତେବେ ଉତ୍ତ୍ୟକ୍ତ ଲୋକ ଟାୟାର ଜାଳି ରାସ୍ତା ଅବରୋଧ କରିଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ଦୁର୍ଘଟଣା ଘଟାଇ ଥିବା ହାଇୱା ସମେତ ଅଟୋକୁ ଜବତ କରି ତଦନ୍ତ ଚଳାଇଛି। ଦୁର୍ଘଟଣା ସ୍ଥଳରେ ମଦ ଦୋକାନ ଥିବାରୁ ବାରମ୍ବାର ମଦ ପିଇ ବେପରୁଆ ଭାବରେ ଗଡ଼ିଚଳାଇବା ଦ୍ଵାରା ବାରମ୍ବାର ଦୁର୍ଘଟଣା ଘଟୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା।