କେନ୍ଦ୍ରାପଡା: ଆନ୍ଦୋଳନରତ ଜନସାଧାରଣଙ୍କ ଆକ୍ରୋଶରେ କ୍ଷତି ହେଲା ୪୫ ଲକ୍ଷ ଟଙ୍କାର ସମ୍ପତ୍ତି । ଭଦ୍ରକ ଜିଲ୍ଲାର ୪ଟି ବ୍ଲକକୁ ପାନୀୟ ଜଳ ଯୋଗାଣ ପାଇଁ ଆରମ୍ଭ ହୋଇଥିବା ମେଗା ପାନୀୟ ଜଳ ଯୋଗାଣ ପ୍ରକଳ୍ପକୁ ବିରୋଧ କରି ଗତ ମଙ୍ଗଳବାର ଦିନ ଠାରୁ ସ୍ଥାନୀୟ ଜନସାଧାରଣ ବିରୋଧର ଭିନ୍ନ ଭିନ୍ନ ଉପାୟ ଆରମ୍ଭ କରିଛନ୍ତି।
ରାଜକନିକା ଉତ୍ତେଜନା: ନଷ୍ଟ ହୋଇଛି ୪୫ ଲକ୍ଷ ଟଙ୍କାର ସମ୍ପତ୍ତି
ତେବେ ଆଜି(ଗୁରୁବାର) କେନ୍ଦ୍ରାଞ୍ଚଳ ପୋଲିସ ନିର୍ଦ୍ଦେଶକ ନରସିଂହ ଭୋଳ ଓ ୧୫ ପ୍ଲାଟୁନ ପୋଲିସ ସମେତ ପୋଲିସ ବିଭାଗର ବଡ଼ବଡ଼ ଅଧିକାରୀ ଉପସ୍ଥିତ ଥାଇ ଉତ୍ୟକ୍ତ ଜନସାଧାରଣ ଅନ୍ୟୁନ ୪୫ ଲକ୍ଷ ଟଙ୍କାର ସମ୍ପତ୍ତି ନଷ୍ଟ କରିଛନ୍ତି ବୋଲି ପ୍ରକଳ୍ପ କାର୍ଯ୍ୟନିର୍ବାହୀ ଅଧିକାରୀ କହିଛନ୍ତି। ଅନ୍ୟପଟେ କେନ୍ଦ୍ରାପଡା ଜିଲ୍ଲାପାଳ, ଆଜି ଦିନ ତମାମ ଲୋକମାନଙ୍କ ଅଭିଯୋଗ ଶୁଣାଣି ପାଇଁ ଆଳି ଠାରେ କ୍ୟାମ୍ପ କରିଥିବା ବେଳେ ଲୋକମାନେ ଆଇନକୁ ହାତକୁ ନେଇଛନ୍ତି ଓ ଭିଡିଓରୁ ସ୍ପଷ୍ଟ ହେଉଥିବା ଲୋକମାନଙ୍କୁ ପୋଲିସ ଦ୍ୱାରା ଗିରଫ କରାଯିବ ବୋଲି ସୂଚନା ଦେଇଛନ୍ତି।