କେନ୍ଦ୍ରାପଡା: ବିତିଗଲାଣି 3 ବର୍ଷ । ବାରମ୍ବାର ପ୍ରଶାସନ ପାଖକୁ ଦୌଡି ଦୌଡି ମିଳିପାରିନି କ୍ଷତିପୂରଣ । 2018 ଲଗାଣ ବର୍ଷାରେ ଚାଷଜମି ହେଲା ଜଳାର୍ଣ୍ଣବ, ମରିଗଲେ ଗୃହପାଳିତ ପଶୁପକ୍ଷୀ। ମାତ୍ର ବୀମା କରାଇଥିବା ଚାଷୀଙ୍କୁ ବର୍ତ୍ତମାନ ସୁଦ୍ଧା ମିଳିପାରିନି କ୍ଷତିପୂରଣ । ବାରମ୍ବାର ଅଧିକାରୀଙ୍କ ଦ୍ବାରସ୍ଥ ହେବା ସତ୍ତ୍ବେ ବି ଶୁଣୁନାହାଁନ୍ତି ପ୍ରଶାସନ । ଶେଷରେ ବାଧ୍ୟହୋଇ ସମୂହ ଚାଷୀମାନେ କେନ୍ଦ୍ରାପଡ଼ା ପ୍ରାଣୀଧନ ଚିକିତ୍ସକଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନର ବାଟ ବାଛିଛନ୍ତି।
ତେବେ ଏନେଇ ଉପଖଣ୍ଡ ପ୍ରାଣୀଧନ ଚିକିତ୍ସିକ ଅଧିକାରୀ ନଥିବା କହି କଥା ପାର ହୋଇଯାଇଛନ୍ତି । 2018 ମସିହାରେ ହୋଇଥିବା କ୍ଷତିର ରିପୋର୍ଟ 2020 ମସିହାରେ ଆସିଥିଲା, ଏଥିପାଇଁ ସେମାନଙ୍କୁ କ୍ଷତିପୂରଣ ଅର୍ଥ ପ୍ରଦାନ କରିବା ସମ୍ଭବ ହୋଇନଥିଲା । ପରେ ଜିଲ୍ଲାପାଳଙ୍କ ନିର୍ଦ୍ଦେଶରେ ତଦନ୍ତ କରାଯାଇ ରିପୋର୍ଟ ଆସିଛି ମାତ୍ର ଅତିରିକ୍ତ ଜିଲ୍ଲାପାଳ ଓ ଜିଲ୍ଲା ମୁଖ୍ୟ ପ୍ରାଣୀଧନ ଚିକିତ୍ସାଧିକାରୀଙ୍କ ଅନୁପସ୍ଥିତି କାରଣରୁ ପଦକ୍ଷେପ ନିଆଯାଇ ପାରୁନି ।