କେନ୍ଦ୍ରାପଡା:ବିଗତ ଦିନ ମାନଙ୍କରେ ବଜାରରେ ପ୍ଲାଷ୍ଟିକ ଚାଉଳ ଓ ଅଣ୍ଡା ବିକ୍ରି ଘଟଣା ସାମ୍ନାକୁ ଆସିଥିଲା । ତେବେ ରବିବାର କେନ୍ଦ୍ରାପଡାରୁ ପୁଣି ଏମିତି ଚିତ୍ର ଦେଖିବାକୁ ମିଳିଛି । ଜିଲ୍ଲା ମହାକାଳପଡା ବ୍ଲକ ରାମନଗର ବଜାରରୁ ଜଣେ ବ୍ୟକ୍ତି ଏକ ବନ୍ଧାକୋବି ନେଇଥିବାବେଳେ କୋବିଟି ପ୍ଲାଷ୍ଟିକ ହୋଇଥିବା ସେ ଅଭିଯୋଗ କରିଛନ୍ତି ।
ବଜାରରେ ପ୍ଲାଷ୍ଟିକ ବନ୍ଧାକୋବି, ଚିନ୍ତାରେ ଖାଉଟି
ସୂଚନାଯୋଗ୍ୟ, ବିକ୍ରମ ନାୟକ ନାମକ ଜଣେ ବ୍ୟକ୍ତି ରାମନଗରରୁ ବନ୍ଧାକୋବି କିଣି ଘରକୁ ନେଇଥିଲେ । ପରେ କୋବିଟିକୁ ରୋଷେଇ ପାଇଁ କାଟି ସିଝା ଯାଇଥିଲା । ମାତ୍ର ଦୀର୍ଘ ଏକ ଘଣ୍ଟା ବିତି ଯାଇଥିଲେ ବି ତାହା ସିଝି ନଥିଲା । ଏପରିକି ସିଝିବା ବଦଳରେ ତାହା ଲାଳୁଆ ହୋଇଯାଇଥିଲା ଏବଂ ନିଆଁରେ ପତ୍ରକୁ ଦେଖାଇବା ପରେ ପତ୍ରକୁ ଟାଣିରେ ପ୍ଲାଷ୍ଟିକ ଭଳି ଏହା ଲମ୍ବି ଯାଉଥିବାର ଦେଖିବାକୁ ମିଳିଥିଲା ।