ଓଲଟିଲା ପିକଅପ ଭ୍ୟାନ: ଡ୍ରାଇଭର ମୃତ

କେନ୍ଦ୍ରାପଡାରେ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ । ସଦର ଥାନା ଅନ୍ତର୍ଗତ ଗୋପ ଛକ ଜାତୀୟ ରାଜପଥ କଡରେ ଏହି ଦୁର୍ଘଟଣା ହୋଇଛି । ଅଧିକ ପଢନ୍ତୁ

କେନ୍ଦ୍ରାପଡା: କେନ୍ଦ୍ରାପଡାରେ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ । ସଦର ଥାନା ଅନ୍ତର୍ଗତ ଗୋପ ଛକ ଜାତୀୟ ରାଜପଥ କଡରେ ଏହି ଦୁର୍ଘଟଣା ହୋଇଛି । ମୃତକ ହେଉଛନ୍ତି ଦୁର୍ଘଟଣାଗ୍ରସ୍ତ ହୋଇଥିବା ପିକଅପ ଭ୍ୟାନର ଡ୍ରାଇଭର ।

ତେବେ ମୃତକଙ୍କ ପରିଚୟ ମିଳିପାରି ନାହିଁ । ଏପଟେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ପାରାଦୀପ ଆଡୁ ଏକ ପିକଅପ ଭ୍ୟାନ ଖୁଦବସ୍ତା ଲଦି ଚଣ୍ଡିଖୋଲ ଅଭିମୁଖେ ଯାଉଥିଲା । ମାତ୍ର ବିପରୀତ ଦିଗରୁ ଆସୁଥିବା ଏକ ୧୨ ଚକିଆ ଟ୍ରକର ଆଗ ଚକ ଫାଟିଯିବା ଫଳରେ ଟ୍ରକଟି ନିୟନ୍ତ୍ରଣ ହରାଇ ପିକଅପ ଭ୍ୟାନକୁ ଧକ୍କା ଦେଇ ରାସ୍ତା କଡ଼କୁ ଓଲଟି ପଡିଥିଲା ।

ଫଳରେ ପିକଅପ ଭ୍ୟାନ ଡ୍ରାଇଭର ଚାପି ହୋଇ ଘଟଣାସ୍ଥଳରେ ହିଁ ମୃତ୍ୟୁ ହୋଇ ଯାଇଥିଲା । ଟ୍ରକ ଚାଳକ ଓ ହେଲ୍ପର ଗୁରୁତର ଆହତ ହୋଇଛନ୍ତି । ମୃତ ପିକଅପ ଭ୍ୟାନ ଚାଳକ ମାର୍ଶାଘାଇ ଅଞ୍ଚଳର ବୋଲି ଜଣାପଡିଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ