କେନ୍ଦ୍ରାପଡ଼ା: ଜିଲ୍ଲା ଆଳି ବ୍ଲକ ଟୁଙ୍ଗା ପଞ୍ଚାୟତରେ ନିର୍ମିତ ହୋଇଛି ଗ୍ରାମୀଣ ପାର୍କ । ଯାହା ମଧ୍ୟରେ ରହିଛି ଲୋକଙ୍କୁ ଆକର୍ଷିତ କରିବା ଭଳି ସୁନ୍ଦର ପୁଷ୍କରିଣୀ ଓ ରଙ୍ଗ ବେରଙ୍ଗର ଭଳିକି ଭଳି ଫୁଲର ସମାହାର। ଦେଖିଲେ ଯେ କେହି ଘଡ଼ିଏ ଚାହିଁବେ ରହିବେ ଏହି ମନୋରମ ଦୃଶ୍ୟକୁ । ଘାସ ଗାଲିଚା ବି ବେଶ ଆକର୍ଷଣୀୟ ହୋଇଛି । ଏ ପାର୍କର ଦୃଶ୍ୟ କୌଣସି ସହରି ପାର୍କ ଠାରୁ ମଧ୍ୟ କମ ନୁହଁ ବୋଲି ମନେ ହେଉଛି ।
ଗାଁରେ ମିଳୁଛି ସହରୀ ଖୁସି, ମନ ମୋହୁଛି ପାର୍କ ଓ ପୁଷ୍କରିଣୀ
ଏଥି ସହ ଛୋଟ ଛୋଟ ପିଲାମାନେ ଖେଳିବା ପାଇଁ ଦୋଳି, ଝୁଲଣା, ଚରକା ମଧ୍ୟ ଲାଗିଛି । ଆଉ ଏହାର ଭରପୁର ମଜା ନେଉଛନ୍ତି ପିଲାମାନେ। ଝିଅ ମାନେ ମଧ୍ୟ ବୁଲି ବୁଲି ସେଲ୍ଫି ଉଠାଉଛନ୍ତି ଆଉ ଗାଁର ମହିଳା,ଯୁବକ,ବୃଦ୍ଧ, ବୃଦ୍ଧା ମାନେ ସୁନ୍ଦର ପୁଷ୍କରିଣୀ ନିକଟରେ ବସି ଖୁସି ଗପରେ ମଜିଛନ୍ତି। ଆଉ କିଏ କିଏ ପୁଷ୍କରିଣୀର ଚାରିପଟେ ବୁଲି ବୁଲି ମଜା ନେଉଛନ୍ତି।